友義氣‧酸菜魚

營業中

休息中

酸菜魚呢種近期好Hit嘅食物，今次帶媽媽嚟觀塘呢度試吓，呢間新開嘅餐廳環境好舒服，夠晒光猛，而且空間感夠大，午餐時段來到，等一陣就有位。肥牛酸辣粉$45午市套餐包埋飲品，非常抵食。肥牛份量好多，湯底亦都唔錯，唔多味精嘅感覺，另外呢種湯粉比較粗身，口感彈牙，煙靭好味。酸菜魚例牌$188 ，店家標明係用鱸魚做嘅，魚湯鮮甜好飲，我哋揀咗小辣，微微辣嘅味道剛剛好，更加帶出到魚湯濃郁嘅味道。湯底嘅香料非常豐富，令到味道嘅層次有好多重，令人印象難忘。鱸魚嘅肉質本身好滑，加上吸收埋魚湯嘅味道，呢一個果然係招牌菜，令人食過返尋味。我哋大家都非常滿意，而且覺得抵食，加上招呼周到，真係一百分。