Master Room (已結業)

朋友星期六都要返工，工廠區附近星期六相對比較小人，搵到呢度呢間偏遠小小嘅Cafe, 係黃昏時間太陽西斜囉，太陽曬到正，好似冇乜冷氣咁，其他都OK嘅。其實之前嚟過，朋友已經想試個蛋餅，今次就試吓佢啦，本身我覺得好似好大個會好飽，因為我又唔係太肚餓，嚟到比我想像中細嘅，切開好似蜂巢咁，味道都唔錯。另外朋友堅持要嗌多一樣嘢食，咁唯有叫個原味窩夫🧇 （本身我係諗住佢嗌個burger有薯條，我就可以黏啲嚟食就算數）熱辣辣嘅窩夫係好味嘅，擺耐咗就開始爭少少我就叫咗杯Dirty，朋友就被游說底下叫咗杯特別嘅滴漏咖啡？其實我唔知佢叫咗乜嘢，（雖然有詳細介紹😜）只係上台嘅時候好精緻好似飲日本sake 咁! 咁樣逐杯逐杯細細啖飲，又另有一番風味。見到隔籬枱有coKe 有咖啡,重有咖啡啫喱，原來叫T bLack, 下次又可以試吓。