秋意 (成業工業大廈)

營業中

休息中

🐔觀塘限量豉油雞🐔-話說lunch time時間黎試，本身想叫二人餐，點知侍應表示寫住「全日供應」既二人餐，中午時段係冇既😅，咁就唯有轉便當食啦。試左兩款：秋意豉油雞便當轉髀（$70）同流曬口水雞便當轉髀($70)，豉油雞睇外皮既色，深色有油光，夠曬入味，雞肉幾滑，口水雞既汁係另外上，醬汁幾獨特，係辣+麻醬香，幾襯個雞，唯一缺點係雞太凍，每咬一啖都會feel到係雪櫃拎出黎個種凍😂，影響個雞肉口感。-便當仲有青瓜同沙律菜，飯係日式便當個種圓米，比較粒粒分明同散，但個人黎講，食喱種中式雞好想襯返碗泰國香米🫣。-PS唔計食物質素，侍應大哥永遠將成個人企實嘅望實個出菜位，想問野同落單都超難揮手叫到佢😂。另外咁岩隔離枱既客問口水雞有冇得唔好太辣，侍應大哥一句:「個汁調好左，冇得為你一個人再調架嘛。」聽到有少少囧🫣，最後忍唔住出左聲同隔離講其實口水雞個汁同雞係分開，所以唔洗擔心。喱啲細節位真係需要注意下啦。