泰坊 (已結業)

觀塘區真係好多好野食，泰國菜都有好多間，今次小編去左觀塘成運工業大廈，發掘一間隱世泰國餐廳😆。踏入工廈，感覺比街上既人流少好多，但一入餐廳就見到幾乎坐滿曬，雖然幾隱蔽，但都有唔少食客幫襯。🍛 海南雞飯 （價錢： $52）評分： 3.9/5餐廳既環境一般👌🏻，唔似apm、附近幾間既泰國餐廳裝潢得泰國風情，但勝在依度既食物性價比高，吸引左唔少系附近工作既打工字堂食同叫外賣。海南雞飯係每次去泰國旅行🧳都會去食既，所以小編決定要試一試佢！ 海南雞飯好大碟，因為小編比較鍾意食啖啖既雞胸肉🐔，而且依度既雞肉一D都唔鞋，頗有驚喜，所以小編幾滿意依碟海南雞飯呀！ 另外，黃油飯唔會太油岩岩好，仲有特製海南雞醬，加埋一齊食好惹味😋。除左一碟海南雞飯，指定餐牌既午飯仲會跟一碗餐湯同一杯飲品，小編今次飲既係羅宋湯，但就偏咸左少少😣。整體黎講，小編都好滿意今次食既泰國菜，咁抵食既午餐真係愈黎愈買少見少，難怪吸引到咁多人黎食啦👍🏻！————————————————————————🐷 整體食物： 3.9/5🐷 環境：3.5/5🐷 可達度： 4/5