日月堂

營業中

休息中

今日一家去觀塘行街，去到下午茶時間，Mina姐話肚餓，咁岩見到工廈有日月堂的店牌，今次我哋就去試下觀塘工廈的人氣小店_日月堂日月堂位置於觀塘嘅工廈之中，觀塘地鐵站B2出口行向觀塘廣場方向行5分鐘就到，裝修充滿住台灣嘅古早味，用水泥牆嚟做裝飾，枱凳用木製為主，牆上掛住一塊塊木牌，好濃厚嘅台灣氣息。🌟紅燒牛肉麵牛肉炆得好腍又入味，每片牛肉都好厚，面嘅口感好彈牙，湯底夠濃，🌟 起司雞扒便當滷肉飯個滷汁煮得夠入味，雞扒炸得香脆內軟，配埋芝士醬，邪惡又惹味！Mina好鐘意食個雞扒同飯，食完2舊都唔夠，仲要叫爸爸再夾！🌟起司肉鬆蛋卷餅蛋餅即叫即整，新鮮又熱辣，外皮煎得微脆，中間嘅芝士夾雜着香口嘅肉鬆，咬落去每一啖都有芝士同肉鬆！🌟台灣香腸台灣人氣小食，自家製嘅台灣腸，每食一口就夾一片蒜頭，滋味又食唔停口！🌟黑糖珍珠奶茶食台灣嘢必叫嘅珍珠奶茶，加左黑糖都唔太甜🌟鳳梨紅茶食完咁多煎炸濃味嘅食物，飲番杯冰涼的鳳梨紅茶，解一解滯。