Non Kitchen

營業中

休息中

觀塘，其中一個出名多隱世餐廳嘅地方，位於觀塘同牛頭角之間嘅「Non Kitchen」就係其中之一喇。「Non Kitchen」地方大而整潔，環境亦比到食客一個好舒適嘅感覺。晚市套餐好抵食，由$198-$378，有沙律/餐湯，main cause，甜品同一杯餐飲。不過今日我就唔食晚市套餐，因為我已經俾menu上嘅嘢食吸引咗喇。點好嘢食，好快就提供咗餐包，簡簡單單嘅提子包同脆條，配上黑松露牛油，簡單得嚟帶點不平凡。白蘑菇蒜蓉雪茄：食得嘅雪茄，極之相似。佢用咗春卷皮包住白蘑菇蒜蓉，再炸至金黃色。黑色扮燒過嘅係黑松露麵包糠，旁邊嘅應該係松露油粟米蓉。味道好，賣相一絕。蒜香牛油雞翼：雞翼先炸到香脆，再加上蒜蓉牛油兜渾，非常之好食。 餐廳將雞翼切開成為一字骨，食起上嚟方便好多。日本鹿兒島黑豚肉扒：厚厚嘅鹿兒島黑豚肉扒，燒得靚靚嘅網紋，光係睇口水已經流晒出嚟嘢。切開肉質粉嫩，入口肉嫩多汁，處理得非常之好。蘋果撻：薄薄既撻底，上面有住好多薄切蘋果。雖然係薄切蘋果片，但依個確實係好出色嘅蘋果撻。加埋雲呢拿雪糕一齊食，一凍一熱，口感幼滑。破曉：榛子咖啡配上Baileys，再加埋一大球嘅雲呢拿雪糕，甜得嚟帶