影片
更多
2025-01-13
224 瀏覽
大家都知道觀塘駱駝漆三期係長期要排隊排𨋢去餐廳，但其實駱駝漆一期都有唔少高質餐廳值得一訪～今日小熊貓就去左聽朋友介紹嘅Add Some Thai呢間隱世餐廳試吓佢Lunch Set Menu 😋可以揀一個主食，附送椰青雞湯及泰式甜品🐷 Add Some Thai 招牌推介：招牌泰式無骨海南雞拼豬頸肉飯 $68咁大碟飯都只係呢個價錢咋😆好抵呀媽咪~ 有嫩滑嘅海南雞，燒得好香口嘅豬頸肉，仲有香脆嘅蝦片，附上泰式醬汁，酸酸甜甜好惹味～ 真心覺得呢個飯好豐富🦀 酥炸軟殼蟹炒金邊粉 $82軟殼蟹炸得好酥香，算多蟹肉同埋都有蟹膏🥳 金邊粉炒得有鑊氣，好多配料如雞蛋，魚片，花生等等～ 味道同喺泰國食嘅一模一樣🐻：套餐可以加錢換購特色飲品～今次叫冰鎮卡通泰奶茶，熊仔係用泰式茶底冰鎮做嘅，好飲又超得意😆 🌟溫馨提示：套餐嘅椰青雞湯及泰式甜品都係自助形式，自己出去拎嚟飲就得㗎啦～ 雞湯清甜，飲到淡淡椰青味～ 是日甜品係芋頭西米露，超足料，大大粒芋頭，滿足！
大家都知道觀塘駱駝漆三期係長期要排隊排𨋢去餐廳，但其實駱駝漆一期都有唔少高質餐廳值得一訪～今日小熊貓就去左聽朋友介紹嘅Add Some Thai呢間隱世餐廳試吓佢Lunch Set Menu 😋可以揀一個主食，附送椰青雞湯及泰式甜品
🐷 Add Some Thai 招牌推介：招牌泰式無骨海南雞拼豬頸肉飯 $68
咁大碟飯都只係呢個價錢咋😆好抵呀媽咪~ 有嫩滑嘅海南雞，燒得好香口嘅豬頸肉，仲有香脆嘅蝦片，附上泰式醬汁，酸酸甜甜好惹味～ 真心覺得呢個飯好豐富
🦀 酥炸軟殼蟹炒金邊粉 $82
軟殼蟹炸得好酥香，算多蟹肉同埋都有蟹膏🥳 金邊粉炒得有鑊氣，好多配料如雞蛋，魚片，花生等等～ 味道同喺泰國食嘅一模一樣
🐻：套餐可以加錢換購特色飲品～今次叫冰鎮卡通泰奶茶，熊仔係用泰式茶底冰鎮做嘅，好飲又超得意😆
🌟溫馨提示：套餐嘅椰青雞湯及泰式甜品都係自助形式，自己出去拎嚟飲就得㗎啦～ 雞湯清甜，飲到淡淡椰青味～ 是日甜品係芋頭西米露，超足料，大大粒芋頭，滿足！
張貼
