Add Some Thai Restaurant

營業中

休息中

臨近年尾，老公搵來抵食二人餐既工廈泰菜add some thai ，有沙律有湯有串燒有咖喱有炒菜有甜品都係$388！🍴酸辣鳳爪沙律味道濃淡啱啱好，我地兩個搶食到最後🍴鮮蜆海鮮冬陰功湯真材實料份量足，大大湯碗每人分到兩三小碗🍴串燒8款揀4款今次揀咗雞肉丶牛肉丶豬肉丶蝦餅，啖啖肉，樣樣都惹味，唔使沾汁都夠哂味。🍴酥炸軟殼蟹黃咖喱配手抓餅兩隻蟹大大隻，炸得金黃鬆脆，手抓餅略嫌太薄，唔夠索汁，咖哩汁香濃惹味，心思思想食多碗白飯🍴馬拉盞炒通菜通菜大大碟炒得爽脆，馬拉盞都夠香🍴椰汁西米糕其實食到最尾都飽飽地，呢件椰汁西米糕，細細件好香口，一啲都唔滯。🍴泰式明爐青斑其實二人餐已經好夠食，不過我哋見到餐牌上面有泰式魚鮮又忍唔住想食。店員會即場淋湯，青班滑嫩，魚湯浸住好多配菜肉醉層次感更突出。觀塘駱駝漆工廈群都希幾間泰國野，add some thai算係我食過比較抵食既一家泰菜 。