水木日本料理 (已結業)

今日收工去觀塘睇中醫，順便搵下附近有咩野食，之前聽朋友講過有間新開張嘅日本餐廳，今晚就決定來試試😋餐廳乾淨企理，坐位好寬闊。菜式種類繁多、花多眼亂，最後自己一個點左串燒、卷物同魚鮫，整體食物質素不錯！下次可以再約埋朋友仔黎叫多幾款～✦黑豚蘆筍卷薄薄嘅豚肉包住爽脆嘅蘆筍，清爽配搭，同時中和油膩感。✦三文魚親子卷三文魚親子卷鮮美可口，幾抵食～✦鹽燒油甘魚鮫$118魚皮燒得香脆，簡單嘅鹽燒將魚油迫出, 豐富嘅油脂令肉質更幼滑, 魚肉甘香 啖啖鮮味。