影片
更多
2021-10-29
4970 瀏覽
觀塘區人氣餐廳之一既小火焰韓式咖啡廳，一直排係龍虎榜既前幾甲位置。平日經過成日都人山人海，今日晏左少少發現意外地無人所以決定試下。餐廳開係一座商業大廈既大堂位置，因為係人氣餐廳同地理位置問題，地方唔算闊落座位擺得算幾逼，亦都談唔上有咩裝修。不過作為食CP值既餐廳，服務員尚算充足同勤快有禮。.餐牌以大堆頭套餐為主，二人餐主要分左兩款。因為想食韓式炸雞所以叫左比較貴個款，有比較多款式可以選擇。.弘大二人套餐 💲488 ⭐️3.7/51️⃣前菜 (3選2)🔸醬油蝦配糖心蛋、手握紫菜飯團🔸三色前菜大大隻生蝦配上濃濃既醬油汁，呢個菜式幾開胃。手握紫菜飯團本身比較硬身無咩味，撈埋醬油汁食唔錯。三色前菜係泡菜、酸蘿蔔同醃海帶，正常發揮。.2️⃣沙津 (3選1)🔸脆米豬手沙津呢個沙津有驚喜，脆米加上豬手咸咸脆脆，沙津份量幾大豬手都有好多件唔欺場，幾好食。.3️⃣炸雞 (4選1)🔸蜂蜜提子脆米炸雞喜歡食甜版既炸雞所以揀左呢款，無額外醬汁只有薄薄既蜂蜜同提子乾調味。一客四件，味道唔錯但略覺乾身，未算係上佳之作。.4️⃣鍋物 (2選1)🔸雪香牛骨湯鍋呢份牛骨湯鍋個人黎講幾滿意，因為一向都鍾意韓國雪濃湯系列既湯鍋。有爐興住熱辣
.
餐牌以大堆頭套餐為主，二人餐主要分左兩款。因為想食韓式炸雞所以叫左比較貴個款，有比較多款式可以選擇。
.
弘大二人套餐 💲488 ⭐️3.7/5
1️⃣前菜 (3選2)
🔸醬油蝦配糖心蛋、手握紫菜飯團
🔸三色前菜
大大隻生蝦配上濃濃既醬油汁，呢個菜式幾開胃。手握紫菜飯團本身比較硬身無咩味，撈埋醬油汁食唔錯。三色前菜係泡菜、酸蘿蔔同醃海帶，正常發揮。
.
2️⃣沙津 (3選1)
🔸脆米豬手沙津
呢個沙津有驚喜，脆米加上豬手咸咸脆脆，沙津份量幾大豬手都有好多件唔欺場，幾好食。
.
3️⃣炸雞 (4選1)
🔸蜂蜜提子脆米炸雞
喜歡食甜版既炸雞所以揀左呢款，無額外醬汁只有薄薄既蜂蜜同提子乾調味。一客四件，味道唔錯但略覺乾身，未算係上佳之作。
.
4️⃣鍋物 (2選1)
🔸雪香牛骨湯鍋
呢份牛骨湯鍋個人黎講幾滿意，因為一向都鍾意韓國雪濃湯系列既湯鍋。有爐興住熱辣辣。牛肋骨應該唔係主食份量唔算多，以蔬菜同雜菌為主，仲有大量芫茜，芫茜控表示滿意。
.
5️⃣主食 (5選1)
🔸泡菜牛肉炒粉絲
泡菜偏鹹同辣左少少唔算好岩胃口，醬汁比較多所以粉絲唔夠乾身偏濕。喜歡濃味朋友應該適合。
.
6️⃣甜品 (4選1)
🔸吉士蛋糕拼3.6牛乳奶凍
吉士蛋糕有點喜出望外，蛋糕有配上曲奇雪糕，有烘熱吉士餡甜而不膩。牛乳奶凍相對上會失色少少，口味清淡型，可能因為先食吉士蛋糕俾佢既甜蓋過左。
7️⃣飲品 (15選2)
🔸白桃乳酸特飲
🔸巨峰乳酸特飲
正常發揮。
.
總結：雖然食物質素未達至於令人驚艷既水平，餐廳環境同坐位亦唔算得上十分闊落舒適，但整體出品四平八穩，選擇多亦價錢合理。歸類CP值高餐廳，到此一遊系列。
.
不專業食評 nei.foodie
醬油蝦配糖心蛋、手握紫菜飯團
130 瀏覽
0 讚好
0 留言
脆米豬手沙津
98 瀏覽
0 讚好
0 留言
蜂蜜提子脆米炸雞
87 瀏覽
0 讚好
0 留言
雪香牛骨湯鍋
70 瀏覽
0 讚好
0 留言
雪香牛骨湯鍋
54 瀏覽
0 讚好
0 留言
泡菜牛肉炒粉絲
22 瀏覽
0 讚好
0 留言
泡菜牛肉炒粉絲
95 瀏覽
0 讚好
0 留言
吉士蛋糕拼3.6牛乳奶凍
16 瀏覽
0 讚好
0 留言
張貼
