魔膳工房 (已易手) 新餐廳

是晚又到觀塘工廈裡的餐廳食晚飯，7點去到餐廳都有好多位，餐廳的冷氣溫度岩岩好，加上柔和的燈光感覺好舒服，menu都好多選擇，每樣都好吸引。我地order左兩個dinner set。先黎左個餐湯同餐包，忌廉湯同雜菜湯各一，味道ok，唔會太差。紐西蘭肉眼扒配薯菜我地叫左7成熟，黎到我覺得煎得岩岩好，切開裏面係粉紅色，唔會有太多血，食落肉質鮮嫩，唔會太肥膩。帶子黑松露意大利飯好食，個飯熱辣辣，帶子好大粒又唔韌口，加左好多雜菌令到飯更有口感，而且黑松醬的味道不會太搶，好吃！最後重有兩杯餐飲，本來兩杯都係熱飲，不個店員黎錯左凍飲。開頭見drink menu有水果茶，以為用新鮮生果，有少少失望，原來係用茶包。