影片
更多
2021-11-21
851 瀏覽
餐廳：壹.01 (觀塘)地址：觀塘駿業街56號中海日升中心2樓D號舖觀塘中海日升中心2樓呢間台灣餐廳壹.01 @1.01_ig 開咗5個月左右，佢哋堅持嘅理念喺每樣嘢都想做好啲，哪怕每日只進步1%，累積落嚟嘅進步就會形成同以前好大嘅距離，希望有朝一日真喺見到餐廳達成佢哋所堅持嘅價值同信念💪餐廳唔算好大，不過都坐到二三十人，牆上有唔少搞笑對白同金句，一句「觀塘除咗塞車，仲有壹.01」唔知喚醒幾多人對觀塘嘅感覺呢🤣？佢哋嘅餐牌適用於全日，主打唔同款式嘅飯，包括魯肉飯、排骨飯、牛肉飯同便當🍱，亦有唔同小食同台式飲品🧋✝️壹.01芒果魯肉飯 $58滷肉飯差唔多間間台式餐廳都有，不過芒果滷肉飯都喺第一次見，亦喺餐廳比較主打嘅飯款之一，本身以為芒果同飯會好唔夾，但食落一啲違和感都無😌，最可惜依家秋冬季節唔喺芒果當做嘅時間，所以芒果唔算好甜亦無太大驚喜，過多一段時間去到夏天再嚟試試，睇吓喺唔喺真喺截然不同先🥭✝️薑蔥蜜汁排骨飯 $58酥炸排骨即叫即炸，一件大塊嘅排骨切條上，份量都算幾多👍，排骨表面香脆，肉香都幾突出，不過肉就相對較薄無咩口感，配埋薑蔥同蜜汁去食，仲有啲似平時食緊嘅燒味叉燒🤣✝️拉絲芝士火腿
地址：觀塘駿業街56號中海日升中心2樓D號舖
觀塘中海日升中心2樓呢間台灣餐廳壹.01 @1.01_ig 開咗5個月左右，佢哋堅持嘅理念喺每樣嘢都想做好啲，哪怕每日只進步1%，累積落嚟嘅進步就會形成同以前好大嘅距離，希望有朝一日真喺見到餐廳達成佢哋所堅持嘅價值同信念💪
餐廳唔算好大，不過都坐到二三十人，牆上有唔少搞笑對白同金句，一句「觀塘除咗塞車，仲有壹.01」唔知喚醒幾多人對觀塘嘅感覺呢🤣？
佢哋嘅餐牌適用於全日，主打唔同款式嘅飯，包括魯肉飯、排骨飯、牛肉飯同便當🍱，亦有唔同小食同台式飲品🧋
✝️壹.01芒果魯肉飯 $58
滷肉飯差唔多間間台式餐廳都有，不過芒果滷肉飯都喺第一次見，亦喺餐廳比較主打嘅飯款之一，本身以為芒果同飯會好唔夾，但食落一啲違和感都無😌，最可惜依家秋冬季節唔喺芒果當做嘅時間，所以芒果唔算好甜亦無太大驚喜，過多一段時間去到夏天再嚟試試，睇吓喺唔喺真喺截然不同先🥭
✝️薑蔥蜜汁排骨飯 $58
酥炸排骨即叫即炸，一件大塊嘅排骨切條上，份量都算幾多👍，排骨表面香脆，肉香都幾突出，不過肉就相對較薄無咩口感，配埋薑蔥同蜜汁去食，仲有啲似平時食緊嘅燒味叉燒🤣
✝️拉絲芝士火腿蛋餅 $39
餐廳最近新推出嘅食物，估唔到放咗一陣影咗陣相，
呢個蛋餅依然可以拉到絲🧀，食落芝士香濃而唔膩，除咗拉絲芝士，中間仲加咗Mozzarella，火腿輕輕煎過，焦脆嘅感覺令蛋餅嘅口感提升，而蛋香亦喺中後期慢慢帶出，的確唔錯😍
✝️壹.01特製牛肉 $26
肥牛好食就緊㗎啦，而且我哋成日都會食，所以配搭咩醬汁真係好緊要，
餐廳自己特製咗台式洋蔥醬汁🧄，當中蘊含住和風口味，食落幾惹味，不過個人就覺得鹹咗少少🤏
✝️蘇子青瓜手撕雞 $25
呢度嘅手撕雞特別之處在於加咗藜麥，比起只有芝麻更有特色👏，我幾鍾意佢哋嘅手撕雞食落唔會太重麻油味以致完全蓋咗本身雞嘅鮮香🐓，不過雞皮就有啲多，雞肉反而較少
✝️零冰手作芋頭鮮奶 $24
依家做緊半價優惠😍，原價$48，依家$24就飲到，亦喺餐廳嘅其中一款鎮店飲品，去食飯當日仲比較特別有得加$5加珍珠或者胚芽，飲落奶滑香濃帶有陣陣芋頭香，仲食到一粒粒真芋頭肉🤩，好足料
張貼
