成發粉麺 (已結業)

新正頭度度都無開，行去搭車途中經過成發粉麵，被佢門口一張手寫既「珍品 沙瓜」吸引左，決定入去試試，但可惜沙瓜賣哂，見阿姐力推崩沙，一於試試佢！上網check 左，原來崩沙腩是牛肚皮的腩位，位於牛的橫膈膜附近，除左叫崩沙之外，更可以叫爽腩。我咁大個女都未食過爽腩，真係好期待！幾分鐘阿姐就送來了崩沙腩河喇，牛腩清湯底濃而不膩不咸，吃得出牛肉鮮味，河粉薄薄一條，又滑又軟，我喜歡這種河粉質感。到主角崩沙腩，肉質爽而不硬，少少彈牙，肉上面一層薄薄皮包住少少肥膏，油脂味超香又唔會太肥膩，層皮更唔會韌，超好食！食牛腩永遠係箍牙朋友的大敵，但呢個崩沙腩既肉絲完全唔會sip哂係牙縫，比貴啲都抵食架！