成發粉麺 (已結業)

很少去觀塘，見到這間粉面店就進去。店員說除了魚皮餃及另一種食物外全都是自家製。叫了墨魚丸，個人口味覺得太鹹，也不夠「彈牙」。朋友的牛腩面比較好。魚皮實在是喜出望外，很大包，好味！

官觀重建，近地鐵沒什麼可選，見有間麵店，得20分鐘食嘢，於是便入去了。除我之外，得1個客，叫左碗牛肚米。牛肚是ok, 頭適中，味道也可，份量正常，但個湯底勁咸。 食完成個鐘頭之後，條脷仍覺得麻麻地。。。。

今日外賣個牛肺河加凍檸茶. 返到屋企變咗牛膀河, 飲管又無, 要求跟辣油又無俾, 凍檸茶無冰又難飲. 所有野都錯晒!!!打返電話落舖, 我要求送番個啱order俾我, 我住月華街, 喺附近.. 佢哋啲阿姐勁推搪又話無外賣送, 仲叫我再行多次落舖攞...咁以家係佢哋做錯order 嘛, 係咪應該送番個啱嘅俾我呢..最慘係我完全唔食牛膀, 變其他嘢都話算呀..勁嬲!!! 佢哋推搪囉.... very bad restaurant...

價錢合理又抵食返工返左成日又餓又攰 收工決定同同事去食宵夜 同事介紹我地去衣一間牛腩麵身為食貨嘅佢表示依家麵店嘅牛腩好好味 就嚟試下係咪真係禁好味～ 我自己就嗌左一個牛腩魚皮餃米線 牛腩有好多魚皮餃都有成三粒架 比起其他嘅地方份量多啲嘅 啲相係食到一半嘅時候影嘅 食到一半先黎影><希望大家唔好介意 另外我哋除咗一人一碗米線之外 仲嗌咗一碗淨雲吞 碗雲吞起碼有10粒都係＄29啲蝦好大隻仲好好味 之後仲帶咗一個炸魚皮食落口感唔係好油膩。個炸魚皮同其他鋪頭相比冇咁油膩之餘又脆卜卜都係＄29咋一大包 所以三個人都係食咗＄160咋又抵又好食 雖然飲品要加＄8 但係份量好多。總括嚟講依間野又平又抵食

經過觀塘突然想食雲吞麵，於是求其入一間試。睇個樣都知唔正宗，雲吞麵放底。湯亦都比較淡，要加辣油。雲吞有五隻都足料，不過包得太大粒。麵條都算爽口。30蚊碗都係唔好要求咁多。

第一次光顧是因為被門口的相片吸引，試過墨魚頭麵，很多爽口新鮮墨魚，價錢又不貴。今次試了五香牛什米粉，牛腸煮得夠淋身，吃起來充滿牛的脂肪香味，牛肚足足有四至五塊，切得剛好一口一塊。牛肺亦煮得很入味，很爽口。餸很多，吃完粉麵後還有剩牛什，挺划算！值得推介這間有誠意的小店！

很喜歡吃牛雜河，某天經過裕民坊成發粉麵，見不用等位，於是便往內坐，點了碗牛雜河及凍檸檬茶，服務還好，$29一碗算是不錯的了，往後每星期都會光顧二至三天，2/8掛8號風球前都如常去吃，亦order牛雜河及凍檸檬茶，不知甚麼原因，整碗牛雜都帶些少酸味，因快掛8號風球，便快快吃完便離開，過了兩天又去光顧，樓面換了兩位靚姐，連服務都差埋，我吃完麵，靚姐收碗時不小心把湯整到我手袋，她眼望了望甚麼也沒說就走開了，又過了兩天，今次同朋友去吃粉麵照order牛雜河及凍檸檬茶，朋友吃了一小半肚子痛叫離開，叫靚姐比個外賣碗及膠袋拎走碗河粉，靚姐話要比$1，怎知靚姐淨拿一隻碗來，膠袋及筷子都沒有，攪乜呀靚姐，點拎走呀，唔好玩我們啦，碗粉熱辣辣點拎呀，XYZ .....難到外賣加$1就只係得個碗，要膠袋又加$1，筷子又加$1....

自從官塘粉麵街清拆後，牛腩粉麵店寥寥可數！試了幾次呢間成發，都係選擇牛腩河為主，$29/碗，分量剛剛好，一般我會加芥蘭或者菜心送麵先無咁寡！牛腩軟硬肥瘦適中，好像清湯牛腩的味道！配上呢度的辣椒油係一大享受！中午吃飯時間人流都算多，但都未試過要等位！服務方面可以更好！

小妹鍾意食牛腩，港九新界食過無數間粉面鋪，今次經過成發粉面，看見餐牌寫住“崩沙腩120蚊”，想試一試口味，外賣帶返屋企打開個蓋，當堂比盒牛腩嚇一嚇！120蚊得幾舊肉，只比普通碗面既牛腩多少少，下面墊左好多生菜，我都明白牛肉貴，但120蚊無可能少得甘可憐啊？！仲有就系牛腩本身味道一般，平平無奇，肥肉好多，同瘦肉既比例差唔多5/5波，大佬啊！太肥啦，點食啊？！唉。。。。洗錢買教訓，比人騙唔緊要，最多下次唔幫襯咯！唔怪得間野人客唔多啦，D台都坐唔滿，成日劏客點會好生意啊！！！

新正頭度度都無開，行去搭車途中經過成發粉麵，被佢門口一張手寫既「珍品 沙瓜」吸引左，決定入去試試，但可惜沙瓜賣哂，見阿姐力推崩沙，一於試試佢！上網check 左，原來崩沙腩是牛肚皮的腩位，位於牛的橫膈膜附近，除左叫崩沙之外，更可以叫爽腩。我咁大個女都未食過爽腩，真係好期待！幾分鐘阿姐就送來了崩沙腩河喇，牛腩清湯底濃而不膩不咸，吃得出牛肉鮮味，河粉薄薄一條，又滑又軟，我喜歡這種河粉質感。到主角崩沙腩，肉質爽而不硬，少少彈牙，肉上面一層薄薄皮包住少少肥膏，油脂味超香又唔會太肥膩，層皮更唔會韌，超好食！食牛腩永遠係箍牙朋友的大敵，但呢個崩沙腩既肉絲完全唔會sip哂係牙縫，比貴啲都抵食架！

同朋友行完街想食宵夜想起早輪嚟呢度食過幾次覺得幾好所以提議嚟呢度我留意門口有幾款店舖推介除了特價魚蛋粉之外已經試過推介的沙瓜河亦試了甚至乎崩沙腩及墨魚丸都試勻哂唯一推介豬手未試過，咁今日試試入到去可能下雨關係，得兩枱客人吾冼唸叫了豬手麵，朋友叫崩沙腩好快兩碗野送到來試試豬手我覺得味道比較清淡同平時出面食嘅鹵水有啲唔同食落去一啲南乳味道都沒有而且望落去大大舊，但是骨多過肉吾係想像中好味值得一提係一啲都吾肥完全無油膩感覺蚊得都算淋，點埋辣椒油食都好食麵好普通無乜特別，幸好湯還是清甜蠔油芥蘭，怕太硬叫洽耐少少十分新鮮，時間適當，入口不淋也不太硬總結食咁多次水準幾好，食材新鮮今次豬手麵我就覺得吾值得推介

今天是一月一號，新的一年我係食得祝大家個個食得是褔在這分享更多好野比各位路過見到呢間野門口寫住沙瓜河今晚就試一試啦，送到時已香氣四射先試沙瓜，原來係牛肚邊位，都唔錯啲牛肚好爽口入晒味又夠濃湯又夠香，河粉方面就同普通出面差唔多整體水準合格有餘..好得價錢平，味道佳..環境好乾淨，下次再來其實之前我都有食過幾次例如，肥牛河等等，全部都吾錯仲有做特價的魚蛋粉，魚蛋有鮮味同彈牙不過部機因為隨街影太多相好難找到只找到上次同朋友去食牛腩同肥牛河的相你地睇睇d相都吾錯

話說星期日去完camp，番屋企途中見到裕民坊新開呢間成發粉麵，肚又少少餓，決定入去試試佢！嗌左個沙瓜河，其實嗌既時候都唔知沙瓜係乜黎，不過見佢貼出黎張紙話好珍貴，所以試下。原來沙瓜係皺胃，係反芻動物既第四個胃，牛沙瓜體積比較小，所以好罕有架！我又識多樣野喇！過左一陣就有喇，河粉上面有大概5-6件沙瓜。試一啖湯先，唔會好味精，牛腩清湯底好好味！河粉薄身，好滑，唔會痴到一舊舊。入正題啦，牛沙瓜，咬落去佢上面個摺摺位感覺好得意，好少少咬口，但又唔係爽或彈牙果隻。加埋佢個辣椒油真係無敵，佢入面有蒜香味，唔算太辣，點牛沙瓜零舍好食！

呢間舖最好食係牛雜同自家製彈牙魚蛋 佢話有咩瓜呀~坑腩呀咁最衰就唔食牛肉啦自家製彈牙魚蛋真係勁彈牙 勁有魚味冇咩粉魚肉勁多魚皮餃勁彈牙又好味可惜伊麵淥得唔夠散咬唔開好硬