影片
更多
2023-02-27
559 瀏覽
午飯時間去買左:$10粉果(2粒)+$10魚肉燒賣(8粒)+$10豬肉燒賣(8粒)食物質素係好既，亦好抵食個人就鍾意豬肉燒賣多過魚肉燒賣😚粉果都好大好足料😆但服務就...初頭見個姐姐好似好生手咁，吉完啲燒賣入碗放就低左，係度數究竟俾左幾多粒我。(排我後面個個都已經買完走咗)我見佢咁冇信心，就專登有點一點數(平時我都唔會睇究竟齊唔齊)，點知佢真係俾少左8粒燒賣。咁我就同佢講翻，佢就好迷茫咁，用枝籤撩啲燒賣，掂知撩到有粒燒賣跌左係張枱度，佢猶疑左兩秒，然後將粒燒賣吉翻落個碗度🤯，另一位姐姐見狀就好快手咁攞走左我個碗，再俾左幾粒燒賣我。然后我食個陣發覺total都係少左一粒😓唉，俾齊我有咁難咩😅所以，大家買既話記得點數⚠️，希望係個別事件。如果貴公司見到呢則comment, 希望改善下員工質素，起碼唔好俾我見到佢將跌左係枱面既野食吉翻入碗俾客人食;) 謝謝
$10粉果(2粒)+
$10魚肉燒賣(8粒)+
$10豬肉燒賣(8粒)
食物質素係好既，亦好抵食
個人就鍾意豬肉燒賣多過魚肉燒賣😚
粉果都好大好足料😆
但服務就...
初頭見個姐姐好似好生手咁，吉完啲燒賣入碗放就低左，係度數究竟俾左幾多粒我。(排我後面個個都已經買完走咗)
我見佢咁冇信心，就專登有點一點數(平時我都唔會睇究竟齊唔齊)，點知佢真係俾少左8粒燒賣。咁我就同佢講翻，佢就好迷茫咁，用枝籤撩啲燒賣，掂知撩到有粒燒賣跌左係張枱度，佢猶疑左兩秒，然後將粒燒賣吉翻落個碗度🤯，另一位姐姐見狀就好快手咁攞走左我個碗，再俾左幾粒燒賣我。
然后我食個陣發覺total都係少左一粒😓
唉，俾齊我有咁難咩😅
所以，大家買既話記得點數⚠️，希望係個別事件。
如果貴公司見到呢則comment, 希望改善下員工質素，起碼唔好俾我見到佢將跌左係枱面既野食吉翻入碗俾客人食;) 謝謝
張貼
