鰹烏冬 (已搬遷) 新店位置

星期六中午十二點幾, 又來到觀塘, 隱世食肆林立的地方, 駱駝漆大廈三座, 前幾天去看電腦開倉看見旁邊有一間麵店, 下午兩點鐘依然有人排隊,原來麵店本身係一間烏冬製麵所。星期六中午, 正好觀塘人流較平日少, 去到可以立即有位坐。點麵的時候可以, 按心水揀11選一的烏冬做法, 還有5選一的配搭食材; 烏冬套餐足足有11×5=55 款配搭!比較特色的有鰹魚湯烏冬, 竹簾烏冬(冷), 月見烏冬(熱);配料就有關東煮, 焗青魚, 骨付雞, 洋蔥牛肉, 天婦羅。點左月見烏冬(粗), 海苔烏冬(冷); 骨付雞和焗青魚。月見烏冬, 配雞蛋黃麵身順滑, 煙韌彈牙! 海苔冷烏冬配鰹魚芥末醬汁, 清新醒神! 骨付雞醃得好好食, 層次分明, 骨香肉嫩,食落帶有柚子味。青魚焗得剛好, 唔會太乾身, 配淡味烏冬一流。製麵所有新鮮烏冬可以買走, 同場加設製麵班, 報名日期已經排到八月! **鰹烏冬製麵所定能帶給你驚喜, 係登龍街大品牌以外的優質烏冬之選!