Be Leaf (已結業)

觀塘作為美食集中地，出名多cafe就係人都知😎😎今次去左位於觀塘敬業街既咖啡店「Be Leaf」主打峇里島度假風🌵餐廳由外到內都係超夢幻既打卡位，仲設有室內及戶外座位，戶外座位係半露天毛孩友善座位，可以同狗狗一齊黎個「偽度假」之旅chil返下☺️☺️Be Leaf All Day Breakfast🍽全日早餐有豬肋骨、豬肉腸、煙三文魚、煎蕃茄、黑松露炒滑蛋及沙律菜等，超豐富🥰🥰估唔到全日早餐入面都會有豬肋骨，仲燒得好香，聞到都流哂口水🤤而黑松露滑蛋食落好香滑，黑松露唔會蓋過蛋味，配合得好好👍🏻👍🏻灸燒蕃茄芝士巴馬火腿酸種包🥪上面鋪滿巴馬火腿、水牛芝士、沙律菜及蕃茄🍅食落有巴馬火腿既鹹香同蕃茄既酸甜😚再食幾啖就有芝士既奶香，口感同味道層次都好豐富🤩🤩Fresh Grapefruit Pomelo Soda飲落好清新，又唔會太甜，而且西柚味幾香☺️☺️Ice Latte咖啡好香滑，奶既比例岩岩好😙布朗尼配雲尼拿雪糕布朗尼充滿濃厚既朱古力味，口感鬆軟，再配合埋雲尼拿雪糕🍦成個口感層次提升左，好好食😋😋😋