影片
更多
2020-05-19
664 瀏覽
第一次食呢間餐廳，食完嬲到要特登down open rice黎寫食評。如果大家諗住係想當呢到係cafe, 輕輕鬆鬆咁坐一個下晝就可以考慮其他地方啦，因為呢夠鐘就一定趕你走嘅。我同埋2位朋友係星期一12點45入座，佢叫我地每人都要個lunch set先可以任坐，如果唔係就要兩點半交枱。朋友叫咗set lunch, 但係碟意粉發現有條粗又攣又黑嘅毛，所以我地就同咁負責人講，佢都肯退番錢比我個朋友。（無影相嘅原因係本身都唔預計上open rice打食評嘅）因為我本身食咗早餐先黎，所以未太肚餓，同埋我係預咗同朋友們傾一個下晝。去到2點我有啲肚餓，準備去叫set食個陣，負責人就唔比我叫餐，叫我要準時交枱。咁我都明白，做餐飲緊係想做多幾轉客，咁我都番去枱到同朋友商討去其他地方。點知呢個時候（我地張枱同吧台唔遠），店員同負責人唔知係有意定無意地咁話「大佬你玩曬啦唔交枱」「痴線！緊係唔比叫野啦，仲想坐？」其實都唔止一兩句，而係講咗好多句，同埋佢地講呢啲說話仲係望住我地呢枱講嘅。 我明白每個人都會鬧客人，但起碼都互相尊重，等客走咗/自己細細聲係水吧講咪算囉。我本身都覺得呢間餐廳係幾靚所以幾期待，但有啲咁
如果大家諗住係想當呢到係cafe, 輕輕鬆鬆咁坐一個下晝就可以考慮其他地方啦，因為呢夠鐘就一定趕你走嘅。
我同埋2位朋友係星期一12點45入座，佢叫我地每人都要個lunch set先可以任坐，如果唔係就要兩點半交枱。
朋友叫咗set lunch, 但係碟意粉發現有條粗又攣又黑嘅毛，所以我地就同咁負責人講，佢都肯退番錢比我個朋友。（無影相嘅原因係本身都唔預計上open rice打食評嘅）
因為我本身食咗早餐先黎，所以未太肚餓，同埋我係預咗同朋友們傾一個下晝。
去到2點我有啲肚餓，準備去叫set食個陣，負責人就唔比我叫餐，叫我要準時交枱。
咁我都明白，做餐飲緊係想做多幾轉客，咁我都番去枱到同朋友商討去其他地方。
點知呢個時候（我地張枱同吧台唔遠），店員同負責人唔知係有意定無意地咁話「大佬你玩曬啦唔交枱」「痴線！緊係唔比叫野啦，仲想坐？」
其實都唔止一兩句，而係講咗好多句，同埋佢地講呢啲說話仲係望住我地呢枱講嘅。 我明白每個人都會鬧客人，但起碼都互相尊重，等客走咗/自己細細聲係水吧講咪算囉。
我本身都覺得呢間餐廳係幾靚所以幾期待，但有啲咁嘅經歷同服務態度真係令人好婉惜同好失望。
張貼