影片
更多
2021-01-25
906 瀏覽
今日去觀塘行街街，lunch我哋去Manhattan Grill & Bar食。Manhattan Grill & Bar我不嬲都keep住去，不過由於疫情關係，lunch都係喺公司叫外賣解決，差不多成年冇去過。今日心情靚啲梗係要食餐好架啦。MGB最抵食係SET LUNCH，最平$89-90就有啦，有齊頭盤、餐湯、主菜、餐茶，相當豐富，加少少錢就可以轉我最like嘅龍蝦湯同甜品，而且食物高質素，CP值超高。【水牛芝士焗蠔$88/5隻】芝士焗得好香好軟滑，入面嘅蠔肉新鮮，圍起都係十幾蚊一隻，啲蠔幾大隻，相當抵食。【頭盤】係小食拼盤，有Feta cheese、醃橄欖、甜椒、車厘茄、雞中翼、凍切肉，多種滋味~【餐湯】我哋加咗$18升級龍蝦湯，加咗忌廉同少少橄欖油，口感更滑，入面有蟹肉，真材實料。【主菜】【烤美國慢煮豬鞍配芒果牛油果沙沙醬$128】，超厚切嘅豬鞍，慢煮出嚟肉質好嫩滑，脂肪唔算多不過均勻，加埋本身肉汁豐富，所以都好juicy。味道方面，慢煮令肉香更突出，加上香烤味，完美~配菜嘅芒果牛油果沙沙醬，雖然係甜味但同肉味幾夾，而且營養豐富，好有心思嘅配菜。【烤澳洲草飼西冷牛扒配鵝肝汁及薯
MGB最抵食係SET LUNCH，最平$89-90就有啦，有齊頭盤、餐湯、主菜、餐茶，相當豐富，加少少錢就可以轉我最like嘅龍蝦湯同甜品，而且食物高質素，CP值超高。
【水牛芝士焗蠔$88/5隻】芝士焗得好香好軟滑，入面嘅蠔肉新鮮，圍起都係十幾蚊一隻，啲蠔幾大隻，相當抵食。
【頭盤】係小食拼盤，有Feta cheese、醃橄欖、甜椒、車厘茄、雞中翼、凍切肉，多種滋味~
【餐湯】我哋加咗$18升級龍蝦湯，加咗忌廉同少少橄欖油，口感更滑，入面有蟹肉，真材實料。
【主菜】
【烤美國慢煮豬鞍配芒果牛油果沙沙醬$128】，超厚切嘅豬鞍，慢煮出嚟肉質好嫩滑，脂肪唔算多不過均勻，加埋本身肉汁豐富，所以都好juicy。味道方面，慢煮令肉香更突出，加上香烤味，完美~配菜嘅芒果牛油果沙沙醬，雖然係甜味但同肉味幾夾，而且營養豐富，好有心思嘅配菜。
【烤澳洲草飼西冷牛扒配鵝肝汁及薯條$168】，我哋叫咗七成熟，出到嚟熟咗少少，不過本身塊西冷嘅肉質唔錯，都算軟腍。有鵝肝汁同芥末醬汁，鵝肝汁有特色，芥末就夠刺激，兩種我都幾鍾意。
跟餐加$16可以配是日精選甜品，不過見到隔離枱有心太軟，係我哋嘅favorite，就決定另外order。心太軟焗到外皮鬆軟，入面亦做到流心效果，偏甜但唔會太膩，仲有配雲尼嗱雪糕球。
【餐茶】亦都唔普通，青檸梳打、小紅莓賓治呢啲特飲都唔駛加錢~即磨咖啡仲非常香濃，店員拎緊過嚟已經聞到咖啡香。
覺得set lunch唔啱，主餐牌都有好多選擇，最近主餐牌做緊七折優惠、三點後仲半價添。晚巿堂食未解封，去開觀塘行街，趁未入夜食個又抵又豐富early dinner都唔錯。
張貼
