掌壽司 (已結業)

工廈內平凡日本料理今次終於衝出灣仔，嚟到觀塘駱駝漆搵食！大家都知哩度多野食，朋友上網搵左幾間，見到哩間日本野都幾多好評，最後揀左。餐廳內裝修幾靚，餐牌食物選擇都唔少，我就揀左個澳洲M9黑毛和牛壽喜燒！澳洲M9黑毛和牛壽喜燒餐有附送一個無咩特別既沙律，我就寧願佢俾個湯我，跟住重有隻生蛋，係咁多。我見之前都有茶碗蒸同埋跟埋飲品，但今日我同朋友就只可以揀雪糕飲野重要加錢，同預期有少少落差。隻蛋無咩味，感覺上同平時百佳惠康買既日本蛋有啲唔同，但壽喜燒就係要跟蛋食，所以有都好過冇啦。滿心期待壽喜燒，但一望啲牛，冇嚟脂肪，跟住淥完好鞋，雖然你話澳洲同日本唔同姐，但都真係唔好好似街邊肥牛咁，好彩個湯底都唔錯，救返少少。加上勁多菜同菇，份量就算係咁。最後雪糕亦都冇其他食評講既Hagen-dazs，有啲失望，可能係晚餐先有吧。總結，食材普通，味道普通。俾左200蚊但得返黎既唔值，以觀塘區工廈黎講定價都叫貴，而且重一定要book枱先有位，下次應該未必再黎。餐廳：掌壽司 (觀塘)地址：觀塘開源道60號駱駝漆大廈3座5樓U室 Address：Flat U, 5/F, Block 3, Camel Paint