普光齋

營業中

休息中

難得觀音誕，又可以同阿媽撐枱腳，當然要揀間佢鍾意嘅餐廳。佢一向都係普光齋常客，又鍾意食佢嘅自助餐，所以就揀左呢間，點知果日係觀音誕，無自助餐提供，所以佢都有D失望！之後我地叫左兩個點心，碟蘿蔔糕一上枱，忘記左相機食先，因為係廚房拎出來，所以要D時間煎番香佢，雖則個面有少少焦左，並非厚切，但熱辣辣，咬入口見蘿蔔絲，有d細細粒齋肉，口感都似真。另一點心係腐皮卷，入而有南般條、兩條素雞條同午餐肉條，包到四四方方咁。本人對腐皮卷興趣真係一般，所以阿媽差不多食晒全部，南瓜都林，而素雞條味淡，但買相係唔錯！之後就叫多碟小炒，豉椒涼瓜腐竹炒河粉，見到咁多顏色，賣相都真係唔錯，當然食落都幾油，但我明白炒河粉無油，又真係唔會好食得去邊。苦瓜我嫌太淡味，無左甘苦味，可能廚師都怕唔係個個都食得，河粉就有D散，唔實淨，呢個位就有D失望，味道係可以接受既，只不過有進步空間。最後，就係要講冷氣問題，天口興食住野都真係幾熱，餐廳有上、下兩層，下面既冷氣真係唔夠，就算我用餐牌潑扇，都無人理個冷氣問題。直到離開上二樓去toilet，點知‥‥‥‥二樓涼到呢，所以下次如果唔係食自助餐，記得要上二樓！