影片
更多
2010-10-03
8 瀏覽
第一次寫食評但同食冇關，因為我對食冇乜要求，所以都係睇啲客觀嘢多今次要寫佢查實自己唔係受氣嘅第一身，但真係覺得都幾唔得所以要反映一下話說同老婆坐低後揀緊食乜，有個侍應喺隔離檯倒瀉成盤餐飲，咁當然水花四淺啦，我同老婆縮得切只係濕咗條褲同鞋少少，但個侍應似乎唔係好識處理咁嘅情況，可能佢自己都嚇親所以全程冇道歉。咁有人叫我哋坐另一檯先，之後案發嗰張檯嘅兩母子亦調咗去第二度坐，喺我哋附近我倆坐低後，叫好耐都冇人俾餐牌我哋，咁咪勁揮手囉，揮一輪都係冇人理，唯有一同任何侍應有 eye contact 就即刻又大揮手，之後有個感覺上高職級啲嘅侍應答曰：「得喇得喇，餐牌吖嘛？」語氣十分唔耐煩 跟住叫人落單，個後生仔侍應又係語氣唔多好，老婆問佢係咪跟餐飲，佢似乎唔可以俾人打亂佢思維，反問「要咩湯？」咁寫好湯後我老婆覺得佢聽唔到所以再問係咪有餐飲，對方答曰：「係呀~ 有餐飲~」個 tone 完全「咁都問你冇嘢呀？」咁嘅感覺 咁我即刻用手機上佢店內個免費 WiFi 睇睇食評啦，嘩！原來已經有咁多人講過呢間嘢啲服務態度，果然名不虛傳！跟住我倆繼續食啦，其間發現本來之前案發嗰對母子喺不遠處食完準備走，個媽媽同嗰
今次要寫佢查實自己唔係受氣嘅第一身，但真係覺得都幾唔得所以要反映一下
話說同老婆坐低後揀緊食乜，有個侍應喺隔離檯倒瀉成盤餐飲，咁當然水花四淺啦，我同老婆縮得切只係濕咗條褲同鞋少少，但個侍應似乎唔係好識處理咁嘅情況，可能佢自己都嚇親所以全程冇道歉。咁有人叫我哋坐另一檯先，之後案發嗰張檯嘅兩母子亦調咗去第二度坐，喺我哋附近
我倆坐低後，叫好耐都冇人俾餐牌我哋，咁咪勁揮手囉，揮一輪都係冇人理，唯有一同任何侍應有 eye contact 就即刻又大揮手，之後有個感覺上高職級啲嘅侍應答曰：「得喇得喇，餐牌吖嘛？」語氣十分唔耐煩
跟住叫人落單，個後生仔侍應又係語氣唔多好，老婆問佢係咪跟餐飲，佢似乎唔可以俾人打亂佢思維，反問「要咩湯？」咁寫好湯後我老婆覺得佢聽唔到所以再問係咪有餐飲，對方答曰：「係呀~ 有餐飲~」個 tone 完全「咁都問你冇嘢呀？」咁嘅感覺
咁我即刻用手機上佢店內個免費 WiFi 睇睇食評啦，嘩！原來已經有咁多人講過呢間嘢啲服務態度，果然名不虛傳！
跟住我倆繼續食啦，其間發現本來之前案發嗰對母子喺不遠處食完準備走，個媽媽同嗰個人人都讚過嘅高職埋單專員理論，可能我隻耳有啲問題，我只係聽到一把聲兼態度惡劣：「咁你有咩想我哋做先？一係你即刻將啲衫 blah blah blah （聽得唔清楚）我哋即刻賠俾你好冇？我哋可以做嘅係咁架喇」喺呢到用文字描述好難講到嗰種語氣，總之就毫無歉意仲要好似係個客無理要求咁（個人覺得姑勿論係咪個客真係無理要求，做服務業係絕對冇可能咁嘅 attitude 囉）
最後對母子唔知點 settle 後走咗，我倆都拿臨食埋就閃，唯一有啲意外嘅係因為案發啲咖啡奶茶都叫有淺到我哋所以個收銀專員話有九折俾我哋當係賠不是。咁一單還一單都 OK 嘅，但其他啲服務態度真係好差囉，完全係倒米嘅態度，所以我覺得既然唔係個別員工係咁，而係都有好幾個好似想倒老細米，咁一定係老細好乞人憎好刻薄先會有咁嘅情況出現。如果老細係真心想客人 enjoy 個 meal 的話唔該對啲 staff 好啲啦，得啲環境同食物雕晒花靚靚咁但啲侍應同個氣氛 match 唔到嘅就嘥氣啦，要啲客俾 $$ 入嚟受氣咁，如果其他夾到的話想扮高級收人貴啲又細份嘢食都算；但而家個感覺係老細高要求又想賺盡囉。
我認係我係乜都唔知齋估冇根據，但只要啲 staff 唔係咁嘅款我會冇咁多聯想囉。得罪晒
張貼