Boon (已搬遷) 新店位置

觀塘工廈出名多好嘢食，今次我就嚟到位於業運工廈嘅 Boon。呢度嘅裝修主要用左粉藍色，再加左乾花，有啲少女嘅感覺。不過呢度都幾爆，想去食記住訂位啦。🍜主食🍜蘑菇湯（跟餐）個湯黎到嘅時候微暖，有少少蘑菇碎，飲得出係自家製嘅。鰹魚熟成封門柳配紫菜昆布牛油汁 , $168（3.5/5）聽到個名完全想像唔到係咩味，又係招牌菜，就即刻叫左嚟試。呢道菜用左昆布鰹魚作調味嘅封門柳，配搭薯蓉、椰菜花同焦糖化嘅珍珠洋蔥而成。因為封門柳冇乜脂肪，一啲都唔肥膩，而且調味獨特，入口除左有牛味仲有牛油海鮮味，相信真係呢度先食到。不過每塊牛熟度有啲不一，我今次食到8-9成熟。甜品（蘋果批，朱古力撻，各加$18）呢度蘋果批係凍食嘅，食落有雲呢拿味，不過我都係較鐘意熱嘅。朱古力撻唔算太甜，撻皮係屬於較軟身嘅。