蒲公英和牛專門店

營業中

休息中

位於觀塘工廈嘅一間隱世餃子店，好彩位置駱駝漆一樓唔想等lift行樓梯都好方便去到。鋪頭細細，但係收工去都坐滿人間。餃子有幾款選擇，我哋叫左水煮厚皮白菜拼韮菜同生煎薄皮白菜拼韮菜，店員細心咁教我地由淡味食到濃味，之後先再點醬汁食，最後mix左個醬點黎食。水煮厚皮白菜拼韮菜餐廳用最簡單水煮嘅方法去整，最可以表達到餃子嘅原汁原味，基本上唔洗點任何醬都好好味。最後都有試到點個mix嘅醬，重味啲，不過有另一個層次，好好食。生煎薄皮白菜拼韮菜煎餃係煎到單面金黃色，香口之於餃子入面都仲好juicy，呢個點自製嘅辣椒醬食可以解下煎嘅油膩感，仲可以提升下味道。而且仲有得外賣，天氣凍想打邊爐，可以買下餐廳人手整餃子返屋企自己煮或者煎，堂食緊果陣見到好多人食完之後再外賣返幾盒返屋企，我怕煮得唔好，唯有下次再黎食啦。