Flames (鴻圖道)

營業中

休息中

今日放假同朋友黎觀塘食西餐，餐廳位於觀塘站附近，地理位置方便～ 餐廳燈光明亮，室內室外都種有植物，用餐好舒服～ 週末提供多款Brunch選擇，可以免費泊車，如果帶小朋友來食仲會有免費兒童餐～蘑菇湯 +$15湯底濃郁，食得出⽤新鮮蘑菇炒香再打碎而成，⼝感豐富，菇味好香濃好有層次～ 忌廉細滑又唔會太膩，入口creamy暖胃。葡式香辣燒春雞配薯條 $128燒春雞新鮮烤焗，火候控制恰到，燒春雞嫩肉多汁，雞肉一點也不會老，外皮燒得好脆，少少辣多多香，配上特製醬汁非常惹味～ 伴碟有薯條，薯條灑上了辣椒粉，非常惹味，薯條炸得卜卜脆，份量都好十足。蟹肉巴馬臣芝士蕃茄忌廉汁通粉 $138醬汁富有蛋香，口感濃郁，有濃濃的芝士香味，好邪惡～ 中間食到絲絲鮮甜嘅蟹肉～ 通粉份量十足，包滿咗醬汁～自選果汁 +$18果汁可以選擇兩種口味mixture, 我揀咗鮮橙+菠蘿 & 小紅莓+蘋果～ 前者清新爽口，開胃促進食慾～ 後者清新酸甜，解油膩助消化～ 自家製蛋糕 +$35呢款係曲奇蛋糕，蛋糕濕潤，配上少少曲奇碎同雜莓，整體甜度恰當～總結來說，餐廳提供高質素西餐，食品多元化選擇，價錢合理，環境舒適。