肆柒食堂

營業中

休息中

喺觀塘附近返工💼難得呢個地區咁多小店食店成日都會特別想發掘一下美食今日經過開源道就見到有間新餐廳開張於是就入去試吓睇吓好唔好食☺️本人比較鍾意食辣同海鮮所以見到餐牌上面有冬陰功蜆米線🍜就即刻諗都唔諗落單嘢食好快出到👍🏻喺觀塘返工最緊要就係快😂然後送到出嚟都已經好大浸冬陰功香味😋然後如圖，啲蜆超級大隻！每粒都脹卜卜 ！無沙！超乾淨！完全冇啲話好腥嘅怪味👍🏻而且啲雞絲都唔會話好靭湯底都調校得好好唔會話太咸 唔會話好辣所以鍾意少少辣嘅朋友仔都食到另外同事叫咗個咖喱吉列豬扒飯啲豬扒都炸得超好每舊都係卜卜脆好開心之後又多一個飯堂☺️最近新開張買單仲有優惠券送大家可以趁早快啲去試吓🤣