影片
更多
2021-09-04
1044 瀏覽
話說某日有個老友 Whatsapp 我，話好耐冇見，不如搵日出黎食飯，我心諗你都得啦，肯定比仔飛至蒲頭啦，咁好啦，我做下好人，應約啦，但我個位老友揀野食同揀朋友一樣，唔高質唔揀 (?) 咁我都唔敢怠慢，即刻搵下有咩好食先，突然靈機一觸，有間野之前想食好耐，好多朋友都推介過呢間野，但一係電話唔通，一係 Full Booking，咁我即管再打去，居然有人聽，仲 Book到枱，果然係上天眷顧的女孩，一定係平時做得好事多，一定係 (哈)到了約會當日，原來佢有唔同套餐選擇，咁既然一場黎到，咁我揀個最貴的套餐試下佢先，佢一黎就每人都奉上一碗湯，應該係燉湯黎，都幾足料，但建議唔好食晒 D 配料，淨飲湯好啦，親飲到咁上下都開始上菜了，全程有專人服侍，大部份都有人夾埋比你，幾好💋金銀蒜蒸龍蝦，D 蒜蓉比得都幾多，但味道唔太夠，如果鹹少少會更好食，龍蝦方面都幾大隻下，一”了”佢就出黎，彈牙唔會過老💋泰式醬蒸肉蟹，佢比埋個鉗你開蟹鉗，一開就可以好完整咁食到蟹肉，肉味鮮甜，來貨應該都幾新鮮下，而肉身方面可能我朋友揀錯汁，唔太夾，可能清蒸都夠，佢泰式得黎太酸，咁我開始明白佢點解又單身了 (拍肩)💋果皮蒸飽魚，個
話說某日有個老友 Whatsapp 我，話好耐冇見，不如搵日出黎食飯，我心諗你都得啦，肯定比仔飛至蒲頭啦，咁好啦，我做下好人，應約啦，但我個位老友揀野食同揀朋友一樣，唔高質唔揀 (?) 咁我都唔敢怠慢，即刻搵下有咩好食先，突然靈機一觸，有間野之前想食好耐，好多朋友都推介過呢間野，但一係電話唔通，一係 Full Booking，咁我即管再打去，居然有人聽，仲 Book到枱，果然係上天眷顧的女孩，一定係平時做得好事多，一定係 (哈)
到了約會當日，原來佢有唔同套餐選擇，咁既然一場黎到，咁我揀個最貴的套餐試下佢先，佢一黎就每人都奉上一碗湯，應該係燉湯黎，都幾足料，但建議唔好食晒 D 配料，淨飲湯好啦，親
飲到咁上下都開始上菜了，全程有專人服侍，大部份都有人夾埋比你，幾好
💋金銀蒜蒸龍蝦，D 蒜蓉比得都幾多，但味道唔太夠，如果鹹少少會更好食，龍蝦方面都幾大隻下，一”了”佢就出黎，彈牙唔會過老
💋泰式醬蒸肉蟹，佢比埋個鉗你開蟹鉗，一開就可以好完整咁食到蟹肉，肉味鮮甜，來貨應該都幾新鮮下，而肉身方面可能我朋友揀錯汁，唔太夾，可能清蒸都夠，佢泰式得黎太酸，咁我開始明白佢點解又單身了 (拍肩)
💋果皮蒸飽魚，個侍應都好鍋心下，佢會幫你起埋殼，你只需要用叉輕輕一拮就能夠食到，唔使自己黎咁狼狽，呢個做法果然係最安全，鮑魚大隻得黎又唔會過熟，果皮似乎從枝頭摘下的一縷淡淡的柑香中，又賦予了時光的味道。陳皮的香氣，完全滲入到鮑魚的肉體，賦予了鮮鮑綿足豐腴的口感和濃郁甘香的味道，一點點苦香後，是陳皮的甜和鮑魚的鮮。而呢一切，應該係歸功於我識得揀方法去食佢 XD
💋剁椒多寶魚，多寶魚唔好睇佢咁扁，原來都幾多肉下，夾雜住剁椒，呢個組合簡直冇得彈，唔使問，又係我揀 XD
💋沙爹醬蒸魷魚腸粉，呢個係必點, 沙爹醬完全滲入左係魷魚同腸粉之中，勁正, 我地係爭食到好似非洲兒童咁
💋金銀蒜蒸妃蚌，D貝殼類海鮮我好怕去食，因為無論我點浸都好，D沙都係你唔留意的一刻攻擊你，好賤，成隻就浪費左，出街食都有 20%左右有呢個情況(自己計)，可以叫佢換過碟比我， 咁呢度我見佢點左，咁我都好小心翼翼咁食，好彩冇事，而又唔會蒸過老
💋豉汁蒸蟶子，我又係好怕食到 D 蟶子有沙，好破壞氣氛，好彩有剛才的經驗，食得好放心，不過我嫌佢豆豉落得過份慷慨，鹹左少少，我直頭將佢清除左 D後才食得到，不過我食食下聽到有侍應話賣晒了，所以想食呢個的話記住早D到
💋泰式醬蒸生蠔，嗯，今次又係個醬問題，有少少酸，但出奇地冇蟹咁大件事，都唔錯，佢蒸完出黎都KEEP到大隻，未至於縮晒水
💋八寶蒸飯，我地揀左蝦醬豬腩肉，秘製雞軟骨肉餅，榨菜肉絲，柱侯牛粒，蒜香茄子，臘腸，豉汁排骨，佢臨熟之前提早拎左蔥同花生上枱先，但D蔥好似有點熟口面，呀，記得啦，好似出前丁丁個D脫水蔥咁，可能入貨太多吧，到熟的一刻，一陣清香的味道撲面而至，就算之前食幾多都好，即刻食慾大增，減肥?? 食得㗎 ?? 今次我地揀的配料都幾好，唯獨係牛粒，佢應該用上好瘦的牛腩，有點痴牙，最後都食唔晒佢
最後佢會奉上糖水，佢的出現好似沙漠中的救星咁出現，咁岩我地加錢的汽水都飲完，有佢可以解一解渴，又唔會太甜，幾好，不過建議大家黎食飯最好帶件外套仔，食緊都OK，到尾聲就黎料，吹到頭仔都痛了
人均價格－ hkd 200~300 (dinner )
評分－ ❤️❤️❤️❤️❤️ (最高6分）
20 瀏覽
0 讚好
0 留言
張貼
