番尋味

營業中

休息中

番尋味今次要介紹喺觀塘開聯工業中心入面有一間餐廳好似茶記個名叫「番尋味」，一到中午入面勁多人，老闆隻手聽電話都聽唔切，電話狂響，勁多外賣，不過輪椅人士如果要嚟呢間「番尋味」餐廳記得要帶斜板，當日我無帶斜板，老闆同其他店員合力週圍搵紙皮，最後都比我順利入到呢間餐廳食野！1.免治肉醬燴吉列豬扒飯 送土茯苓牛大力粉葛煲唐排$51（9.5/10）首先先讚一讚個吉列豬扒大過成人手掌咁大，塊豬扒外皮炸得好鬆化，咬落唔乾唔硬，仲有大量免治肉醬同小朋友都未必鍾意食嘅三色豆，青豆我細個都唔鍾意食，慢慢大過咗咩都擺落口，唔會揀飲擇食，換著以前一定揀走青豆，哈哈！個例湯好好飲，料好多，唔肥膩，無藥材味，我成碗飲哂！2.雞髀沙律$38（8/10）一望隻雞髀又係大過成人手掌咁大，雞髀外面炸得好脆身，但入邊雞肉有少少硬，至於沙律有生菜、蘋果粒、薯仔粒同番茄等，份量都好豐富！3.魚柳包$21（9/10）呢個魚柳包個包好軟熟，魚柳包入面有一大塊炸得好脆嘅魚柳，其他配料仲有生菜、蕃茄同沙律醬，好味過麥x勞，大家真係要試下啦！4.炸薯條$21（9/10）呢碟炸薯條每一條都炸得內裏好熱，份量夠多，又夠脆，好好味！5.凍檸水