影片
更多
2023-07-23
119 瀏覽
《 😋晴晴港飲港食 #misshcfoodie 》私房菜比我嘅感覺就係中式omakase🤭高質食材配大廚精心設計嘅煮法今次帶埋呀爸呀媽嚟食呢間位於觀塘工業區、獲獎無數🥇嘅私房菜餐廳安排咗一個好豐富嘅menu計埋前菜甜品有成超過10道菜😲成家都食到好飽好滿足😚先嚟開胃前菜有自家甜酸齋、本地水耕沙律菜伴芝麻醬、雙色墨魚仔同茶燻流心蛋伴黑魚子醬配厚切茄子🍆👍最令我回味嘅就係個厚切茄子流心蛋嘅茶燻味都幾濃上面仲有黑魚子醬點綴至於個茄子咬落好有口感 外脆內軟之餘 原來加咗粉團一齊炸口感煙煙韌韌 再配埋個醬汁甜甜哋 好似日式燒汁 非常好味湯品分別有兩款燉哈密瓜螺頭黑毛豚肉湯 &燉姬松茸淮山甘筍黑毛豚肉湯湯料非常足料真係未飲過用哈密瓜煲嘅湯加埋響螺頭 味道清甜可口味覺享受之餘仲可以補身養顏嚟到重頭戲嘅主菜環節🤩黑松露醬炒花尾躉班球配鮮露筍用上龍躉班球肉質嫩滑 又厚肉配埋黑松露醬 香氣撲鼻仲有爽口露筍蝦球水芙蓉🍤有啲似蒸水蛋🤔不過唔同係只係有蛋白無蛋黃同上面有一層黃色茨汁仲有一隻爽口彈牙嘅水晶大蝦🍤遠年新會陳皮黑豚肉排骨👍望落去以為係普通炸排骨點知食落去回味無窮有陳皮嘅甘甜 中和排骨嘅油膩排骨亦都炸到
私房菜比我嘅感覺就係中式omakase🤭
高質食材配大廚精心設計嘅煮法
今次帶埋呀爸呀媽嚟食
呢間位於觀塘工業區、獲獎無數🥇嘅私房菜
餐廳安排咗一個好豐富嘅menu
計埋前菜甜品有成超過10道菜😲
成家都食到好飽好滿足😚
先嚟開胃前菜
有自家甜酸齋、本地水耕沙律菜伴芝麻醬、雙色墨魚仔同茶燻流心蛋伴黑魚子醬配厚切茄子🍆👍
最令我回味嘅就係個厚切茄子
流心蛋嘅茶燻味都幾濃
上面仲有黑魚子醬點綴
至於個茄子咬落好有口感
外脆內軟之餘 原來加咗粉團一齊炸
口感煙煙韌韌 再配埋個醬汁甜甜哋
好似日式燒汁 非常好味
湯品分別有兩款
燉哈密瓜螺頭黑毛豚肉湯 &
燉姬松茸淮山甘筍黑毛豚肉湯
湯料非常足料
真係未飲過用哈密瓜煲嘅湯
加埋響螺頭 味道清甜可口
味覺享受之餘仲可以補身養顏
嚟到重頭戲嘅主菜環節🤩
黑松露醬炒花尾躉班球配鮮露筍
用上龍躉班球肉質嫩滑 又厚肉
配埋黑松露醬 香氣撲鼻
仲有爽口露筍
蝦球水芙蓉🍤
有啲似蒸水蛋🤔
不過唔同係只係有蛋白無蛋黃
同上面有一層黃色茨汁
仲有一隻爽口彈牙嘅水晶大蝦🍤
遠年新會陳皮黑豚肉排骨👍
望落去以為係普通炸排骨
點知食落去回味無窮
有陳皮嘅甘甜 中和排骨嘅油膩
排骨亦都炸到好香脆
不過份量就得每人一舊
食完想再食都無🥹
🐔招牌茶王燻雞
平時酒樓炸子雞就食得多
原來茶燻雞嘅製作要花多好多功夫同時間🤔
要用2日去煙燻 火候要拿捏得宜
先做到真正嘅皮脆肉嫩😍
而且有好香茶燻味
入口又唔會油膩
米王有機時令鮮蔬🥬
健康之選 清清哋
以有淡淡米香嘅上湯煮有機波菜
大紅大紫炒飯
顏色鮮艷好吸睛
原來因為係用咗紅菜頭加紫薯粒
仲配有蛋同飯素
最尾嘅甜品就係每人兩粒芝麻湯丸
食完一家團團圓圓🤭
人均價錢: $450
味道: 8/10
環境: 7.5/10
服務: 8/10
回頭率: 8/10
👍=必食
📍 榮哥廚房私房菜
地址: 觀塘觀塘道436-484號官塘工業中心3期4樓L室
電話: 23456389
張貼
