Be Leaf (已結業)

我今日放工後，約同好友去位於觀塘敬業街55號皇廷廣場地下2號舖的 Be Leaf 食晚餐，環境舒適，裝修雅緻，坐得舒服。我和好友點左個《晚市套餐》16小時慢煮醬烤法國鴨腿配牛油燴意大利飯，配是日餐湯及自家製香草麵包及餐飲(Ocean Paradise Soda) 一杯 $206；另外點左個 雜錦海鮮沙律$108，香茅蒜香泰式炸雞翼（3隻）$68；再加一杯飲品係 Grapefruit Summer Soda $46。鴨腿烤得皮脆肉嫩，鴨肉軟腍好味，意大利飯好味；雜錦海鮮沙律賣相吸引，沙律菜新鮮，伴著鮮蝦、凡立貝及魷魚，好食；雞翼炸得香口，雞肉嫩滑好味；兩款梳打好清爽好飲。