Plato Cafe & Bistro (裕民坊YM²)

成個裕民坊靜靜哋無乜人，見呢間餐廳有啲人氣就入去try try～🍄餐廳喺天台花園，有少量座位，可以帶寵物一齊食🐶，環境昏暗得嚟好有氣氛；室內環境光猛，裝修走工業風，2人枱睇到戶外風景，4人卡位闊落，無論拍拖定同朋友食飯都OK！而食物方面主要係西餐，唔算太貴，百幾蚊一個主菜，雙人套餐都係$428，有餐湯、小食、主食、甜品同飲品。🍮整體上樣樣都幾好食，性價比幾高！🥦椰菜花湯餐湯有淡淡椰菜花味，唔會太濃太杰，飲落順滑剛好！🦑天婦羅魷魚鬚魷魚鬚份量幾多，炸粉鬆脆，溝咗紫菜碎更香口！🍝北海道帶子松露野菌扁意粉帶子厚肉大粒，煎得啱啱好，外香內嫩，松露野菌汁好香，扁意粉掛到汁，又唔會膩，唔錯！🍖西班牙黑毛豬鞍架豬鞍外層煎得香脆，入面勁juicy，一切啲肉汁滲晒出嚟，有時豬鞍真係仲香甜過牛扒！🍰日式芝士蛋糕呢件芝士蛋糕幾有驚喜，細滑得嚟有芝士味，上面仲有啲果仁碎同脆脆增加口感，明明好飽都仲可以食晒成件！🍞竹炭麻糬千層盒子配雪糕 +$48千層盒子一層層黑忟忟，上面仲有雪糕同Lotus焦糖曲奇，睇落好吸睛。雪糕同麻糬增加千層盒子嘅濕潤同口感，值得一試！🍫玫瑰朱古力 +$14朱古力味濃郁唔太甜，仲有淡淡玫瑰