Coffee Jobs (已結業)

今晚去左Coffee Jobs食晚餐，店員係門口見我地想入去就比個menu我地，入到去自己搵位坐，睇啱餐牌，就可以自行到收銀處比錢， 稍等一會兒，食物就會由店員送上。 先嚟麻醬挪威三文魚蕃茄闊條麵$128 - 三塊厚身三文魚，外皮煎得好香，蕃茄味濃郁可能蓋過左麻醬，闊條麵同我食開其他餐廳既闊條麵有d唔同，不過個麵有口感都軟滑可口。之後嚟埋什錦海鮮香菇意大利飯$148，海鮮有青口同兩隻蝦，個飯除咗有一粒粒既菇類，仲有木耳同蜆肉，個汁同麻醬挪威三文魚蕃茄闊條麵個汁既味道差唔多，酸咪咪好開胃。餐廳有收加一服務費，如果餐廳有做dinner set會更好。