萬波 (已結業)

行開旺角，經過富時中心見到間茶飲店好多人排隊，原來係「萬波」，之前一路想試但次次經過都好飽，今次一於排隊試試佢！旺角既茶飲店競爭特別大，因為實在太多間，而每間既特點都唔同。呢間萬波既裝潢好靚好適合打卡，而且店員仲會好有耐性咁推介茶飲，仲會每杯野飲都建議特定甜度同冰量，好貼心既服務！萬波除左有最後好熱門既珍珠鮮奶茶外，仲有各種茶類，如鳳梨綠等，選擇都好多下！最後揀左杯好解渴既金牌愛玉檸檬，因為我好怕甜，店員建議可以少糖。味道酸酸甜甜，好透心涼，解熱又解渴，消暑一流！