影片
更多
2024-04-11
547 瀏覽
自從喺泰國食咗一次Lobster roll之後，就一直念念不忘佢啖啖肉嘅口感。終於有一日忍唔住搵邊間Lobster roll好食，見到都有唔少人推薦呢一間餐廳，咁就決定去試一試。當日係下午茶時間去，餐廳唔算好大所以好彩當日冇乜人。餐廳嘅裝修就好似置身喺海洋世界，見到個八爪魚大公仔個下忍唔住想攬吓佢。‣ Lobster Roll $278食過唔同嘅Lobster roll用唔同嘅麵包皮，我自己個人都係最鍾意Toast，但係呢一個Lobster roll 咬落去嘅時候都係脆口嘅，有烤焗過，呢點我覺得好滿意，只係如果牛油味再重啲就更加好。而主角龍蝦肉嗰個部份我覺得相當出色，真係令我回憶起係泰國食嘅味道，醬汁creamy得嚟唔膩，混合檸檬汁同埋青瓜令到成個感覺清新咗唔少。而面頭嘅蔥花令成個Lobster Roll望落好吸引，只不過濃郁嘅醬汁係令你唔會食得出蔥花嘅味道。‣ Lobster Mac & Cheese $288其實食完個Roll之後都有少少飽，有種感覺係明知食唔晒但係我都仲係好想叫返個Mac & Cheese試吓。見到啲芝士拉絲嘅時候真係心心眼，個份濃郁嘅芝士味令我覺得鍾意食芝士
‣ Lobster Roll $278
食過唔同嘅Lobster roll用唔同嘅麵包皮，我自己個人都係最鍾意Toast，但係呢一個Lobster roll 咬落去嘅時候都係脆口嘅，有烤焗過，呢點我覺得好滿意，只係如果牛油味再重啲就更加好。而主角龍蝦肉嗰個部份我覺得相當出色，真係令我回憶起係泰國食嘅味道，醬汁creamy得嚟唔膩，混合檸檬汁同埋青瓜令到成個感覺清新咗唔少。而面頭嘅蔥花令成個Lobster Roll望落好吸引，只不過濃郁嘅醬汁係令你唔會食得出蔥花嘅味道。
‣ Lobster Mac & Cheese $288
其實食完個Roll之後都有少少飽，有種感覺係明知食唔晒但係我都仲係好想叫返個Mac & Cheese試吓。見到啲芝士拉絲嘅時候真係心心眼，個份濃郁嘅芝士味令我覺得鍾意食芝士嘅人一定唔可以錯過，口感順滑，真係可以做到緊貼住每一條通心粉。而通心粉仍然保持到嗰種煙韌度，唔會太過淋。當然有啲遺憾嘅就係我覺得龍蝦肉唔算太多，但係由於有Lobster roll嘅緣故，我覺得都已經食得夠龍蝦肉㗎啦，最後飽到頂肚我都食晒成份Mac & Cheese。
#foodbara_diary
張貼
