影片
更多
2021-01-21
1572 瀏覽
話說喺Office用外賣App搵嘢食，周不時會見到「火五越式牛肉粉專門店」，而且折扣優惠仲好高，我已經心動多時💕。呢日終於食咗，不過係堂食，哈哈。餐廳環境正正常常，店舖中間有幾張枱係專執外賣🥡，因為訂單真係多到一個點！每張枱都放有調味架，辣椒、辣醬、魚露等通通有齊，食越南菜必備！火五火車頭牛肉粉($62)，🚂火車頭配料包括生牛肉、熟牛肉、牛丸以及扎肉。由於湯底夠熱，嚟到嘅生牛肉已經熟咗；熟牛肉本身就係牛腩，夾埋牛丸，全部都係牛🐮；當然仲有兩片扎肉。湯底唔油兼冇味精，不過可以濃味啲啲🍜。火車頭可揀河粉或者檬粉，我哋要咗後者。最吸引嘅地方係呢度嗌多粉免費，咁就唔使驚食唔飽。所以我哋一齊食一碗粉Share，再加多幾款小食🙈。手作挪威煙三文魚米紙卷(6件)($48)，米紙卷其實都好飽肚。米紙卷有四款口味，我哋揀咗煙三文魚，感覺好Fusion，組合出奇地幾夾😗。除咗三文魚外，米紙卷入面亦包住酸蘿蔔絲同菜，所以外皮煙韌，內裏爽脆。意大利黑醋汁蒜蓉牛油雞翼(5件)($38)，菜名嘅頭部份，即係黑醋汁，主要係淋上面。🍗而主角雞翼先係令我一試愛上嘅原因，因為炸衣夠薄又夠酥脆，而且帶有牛油香，第度食唔到依
話說喺Office用外賣App搵嘢食，周不時會見到「火五越式牛肉粉專門店」，而且折扣優惠仲好高，我已經心動多時💕。呢日終於食咗，不過係堂食，哈哈。
餐廳環境正正常常，店舖中間有幾張枱係專執外賣🥡，因為訂單真係多到一個點！每張枱都放有調味架，辣椒、辣醬、魚露等通通有齊，食越南菜必備！
火五火車頭牛肉粉
$62
47 瀏覽
0 讚好
0 留言
湯底唔油兼冇味精，不過可以濃味啲啲🍜。火車頭可揀河粉或者檬粉，我哋要咗後者。最吸引嘅地方係呢度嗌多粉免費，咁就唔使驚食唔飽。所以我哋一齊食一碗粉Share，再加多幾款小食🙈。
手作挪威煙三文魚米紙卷
$48
23 瀏覽
0 讚好
0 留言
意大利黑醋汁蒜蓉牛油雞翼
$38
17 瀏覽
0 讚好
0 留言
香茅豬頸肉
$28
16 瀏覽
0 讚好
0 留言
凍越南椰汁冰($10午餐價)，估唔到原來係外賣杯裝，味道似椰水多啲🥥。
餐廳有提供水機供客人飲用，好貼心💦。
總括嚟講，小店食物質素唔錯，送餐速度快，難怪做到咁多生意。如果想食越南菜🇻🇳，呢到係一個好去處，主食同小食都有唔少選擇。
張貼
