翡翠拉麵小籠包 (已結業)

都有一段時間無去翡翠拉麵小籠包，今天途經世貿中心，本來還猶疑是否入去，最終還是決定再試看看是否有改善。可惜還是失望而回。一入去帶位的西裝男第一句不是歡迎，而係話今日的用餐時間是1時15分！最討厭這種限時食肆，又唔係真係好平、又非過時過節、仲要有加一服務費，去快餐店都無限時啦！真係唔知服務何在！等了20分鐘叫的食物還未上檯，詢問侍應為何食物還未有，但又要客人一個小時15分回枱，點知侍應仲寸番轉頭話食物要炸是需要時間的，一個鐘頭15分鐘仲有時間吖！服務差又唔係咁好食，仲要比加一服務費，真係無下次！