為食魚海鮮火鍋專門店 (已結業)

呢排個個人都好似中毒咁樣,個個人都係度低頭玩pokemon，包括我自己玩玩下我都上哂癮。係甘捉，尤其去到旺角真係捉到手腳吾停。我地幾位自稱係訓練員既戰友終於體力不繼，要補充下先，去到呢間火鍋店門口，寫到明捉Pokemon送肥牛，我見到有我既寵物鯉魚龍，岩哂，起碼有碟免費肥牛食先，哈哈。我地叫左個麻辣雞煲，呢個雞煲味道係甜甜地辣辣哋咁樣，雞肉吸收左醬汁入去，幾入味。雞肉煲得幾爽，雞肉好新鮮，吾會有雪味，我覺得醬汁真係整得幾好味。肥牛實在太好味，入口好有牛味，雪花尚算均勻，放入湯底輕輕一燙,吾靭。可能係我地太肚餓，要叫另一碟手切肥牛再食過呀。呢碟手切肥牛吾係講笑，肉質嫩滑，好重牛味夠哂香，級數真係吾同，我估CP 值一定好高haha。跟住呢個蝦膠奶皇包，聽歌名好得意，係蝦膠包住咗啲好似奶黃既物體，好似有夾心一層甘樣，放入口有兩層味道，甜甜地之餘又有蝦味包圍住。當然梗有指定動作嘅手打四寶丸，呢款四寶丸不用多講，因為係手打製作，味道非常鮮味，並不是機器製作的那種。呢下我覺得值啊。跟住有鵝腸，炸腐皮，雞脾菇等等，其他配菜就都可以，全部都係有水準之作。難得我地自己補給完後，又要準備出發捉精靈喇，希望