KC Cafe (已結業)

今日過觀塘搵食，想回味下韓國野，就去左呢間。我睇完meun就話試，朋友就叫我睇過OpenRice啲相先決定，但我懶就話去左先。去到，原來係買野加cafe，感覺係有啲奇怪，但cafe個邊環境感覺還好。好喇，咁就叫左個小型部隊鍋拉面，蒸餃，紫菜卷，兩杯野飲。咁落單個陣問個店員係咪其中個拉面可以加錢轉其他，個店員就煞有介事話會幫你是旦轉一杯啦，個刻無為意，但後尾覺得奇怪點解咁講，睇返張單，先知佢將杯平當餐飲，貴既就收正價，講真，如果佢唔係咁講，其實就唔會睇單既。。。兩杯野其實只係差幾蚊，但覺得唔多唔少有啲唔老實。。。只能講呢啲野唔怪得人，唯有自己小心啦。。。見到實物終於明點解朋友叫睇左相先。。。個小型部隊鍋拉面用個即棄膠碗上，我真係有啲眼突。。。雖然明知部隊鍋都係公仔面加餸，但用膠碗就好似去七仔食杯面咁。。。蒸餃夠味，醬都ok，但唔夠熱，微暖。。。本身想食韓國野就係想食紫菜卷，可能期望太高，佢唔係難食，但一般。叫左杯朱古力沙冰，一飲就飲到咖啡味，以為另外個杯先係，但個杯唔係沙冰加堅係朱古力咖啡，即係深色個杯先係朱古力沙冰，只能講。。。應該係之前有人叫咖啡沙冰，佢無洗乾淨就整我杯朱古力沙冰，搞