燒蝦蝦 (金福閣） (已結業)

好搞笑啊，今日第一次嚟呢間餐廳未試過食流水蝦嘅我同埋我阿妹搞出個大頭佛😵我哋以為喺魚缸入邊夾咗出嚟嘅大頭蝦可以直接放落去燒烤爐上面燒🥹點不知發現佢係咁彈下彈下之餘，仲要飛晒啲水上嚟😭呢個時候好彩職員拔刀相助，佢話俾我哋知原來要自己用個筒裝啲冰！要冰嘅原因係因為，我哋夾完啲蝦要放落冰筒度凍暈佢🧐咁就可以確保啲蝦唔會彈來彈去😎除咗燒蝦之外，呢度仲有其他海鮮，我都幾鍾意食青口㗎，所以就攞咗啲返嚟一齊燒！我阿妹仲話俾我知呢度好貼心🫀因為會有一啲調味料俾大家調味，食落去嘅海鮮就更加正😳