咖啡弄 (已結業)

記得對上一次食咖啡弄已經係一兩年前 有次去台北都有食過 標準地好好食😁 一直都想再食 但印象中要排好耐隊🚩 於是一直等 等到比較得閒就行動 點知 我地發現原來可以book位 😂我地幾個就book咗上星期3 630pm😊 一去到招呼幾好 好快就有位坐 限時90分鐘 其實都夠時間邊食邊傾👍最低消費一人一杯飲品 我嗌咗杯 類似期間限定既 寶島菠蘿沙冰🍍又飲得又睇得 開頭嗌個時好驚菠蘿唔算當造 會好酸 唔甜或者冇乜味 不過飲落就放心哂😮沙冰帶乳酪味 唔會太酸 個味唔假 有淡淡既菠蘿味 側邊有半片菠蘿😆 可以飲完最後食 幾清甜 重點係沙冰入面有好多菠蘿粒🍍🍍 粒粒夠凍之餘又好甜 飲落又解渴 推介💕💕💕💕龍蝦堡係我朋友話上次食過 好好食所以我地就嗌既 份量如圖 唔算大份 我地自己切開幾份方便食 龍蝦係有龍蝦鮮味 配佢種醬汁係幾好味既 旁邊有兜薯仔粒 側邊有少量沙律菜 成碟都算幾好味 不過我地略嫌份量太少😫 *龍蝦堡制作需時 要等20~30mins 可以一試既😊一餐完美既聚餐就當然唔少得甜品 今次嗌個個係鹽味焦糖冰淇淋鬆餅 有四塊 望落唔多但食落幾飽 焦糖 雪糕 鬆餅三樣野好夾好好味👅