利苑酒家 (北海中心)

營業中

休息中

早於過年前尾禡，無厘頭來咗，好久之前想來，但有人確診到過，當時已經感覺好嚴重，就避咗不去。 時間久遠，只可說最有印象係黃金豆腐粒，$39,未食之前以為椒鹽豆腐，㗳落係咸蛋黄包住豆腐炸，微微咸香及香脆表面，內裏豆腐富豆香，嫩滑白淨，無沾蛋黃味，所以嚐味時有層次，首先口感脆香熱辣辣咸香，再深入白滑軟绵綿豆味，此價抵食。 京川滑餃子，好精緻，即細粒，魚蛋size，皮薄滑似雲吞皮，不應叫餃子，餐牌寫有一隻辣椒，但一的都不辣，味及饀都宜及鮮，但真係太细。 木魚茄子，勝在不油，也不太咸，不太腍，有口感。 南瓜露，好稠，不太甜，南瓜肉磨爛。