許留山 (已結業)

放咗工睇場戲，當然就要食埋甜品啦！一眼就望到許留山，所以就走咗入去啦！我好掛住佢嗰啲芒果糯米糍，所以諗都唔諗就叫咗一份3粒（好似做緊優惠）。我朋友就叫咗嗰多芒西米撈。嗰度係星期六晚嘅旺角，所以都仲係好多人同我地一齊食嘢。許留山不嬲都幾窄，所以逼逼地，講到環境相信唔駛講啦！等咗5分鐘到，啲甜品就開始到啦！講真我記得以前許留山都幾抵食，可能係我冇返尼太耐，咩都變哂啦！唔至價錢，連味道都差啲啲～先講下嗰糯米糍，雖然有芒果肉，但就冇咩芒果味。至於嗰西米撈就有啲甜咗啲，勝在有好多果肉，彌補不失。會再尼嘅，只係會再試其他甜品或者飲品，希望水準冇變啦！