影片
更多
2017-08-20
55 瀏覽
許留山，香港人熟悉既名字，特別係我呢d作為80後既中女，讀書年代最愛既就係許留山，以前環境邊有而家既小朋友咁富裕可以日日星巴克，一杯許留山已經好巴閉，拍拖既時候兩份飲，自修室休息時間同閨蜜兩份飲，去波地接男友買定一杯去博加分....一杯許留山，擁有既係滿滿既青葱回憶我老公一向係許留山既捧場客（以前未就係成日買去波地接佢囉😒），行過尖沙咀見到呢間餐廳cross over許留山，即刻就話要食呢間，見佢陪我行街咁乖，一於就下佢啦黃記煌，對我而已十分陌生既名字，上網睇下，原來係深圳有好多間分店，食既係無水蒸鍋，有雞，魚，田雞，豬，牛唔同配料既蒸鍋，地方都幾寬敞，裝修得古色古香，好有故宮feel芒椰奶西（$29）同西瓜蘆薈爽（$29）同記憶中既許留山一模一樣，男人超開心，係咁話打邊爐飲許留山簡直係絕配🤦🏻♀️男人既浪漫我地叫左個自選鍋（$298）可以選4種配料，再加一種醬我地選左豬腩肉，廣島蠔，墨魚仔同牛肚醬就選左鹹鮮醬，唔辣，就一就個無鬼用唔食得辣既男人一選好，佢擺左個紅色花樽上桌，完全唔知係咩黎既，原來鍋入面既配料全部都係花樽入面，侍應一層一層幫我地擺落蒸鍋度，成件事唔使自己動手等十五至二十
我老公一向係許留山既捧場客（以前未就係成日買去波地接佢囉😒），行過尖沙咀見到呢間餐廳cross over許留山，即刻就話要食呢間，見佢陪我行街咁乖，一於就下佢啦
黃記煌，對我而已十分陌生既名字，上網睇下，原來係深圳有好多間分店，食既係無水蒸鍋，有雞，魚，田雞，豬，牛唔同配料既蒸鍋，地方都幾寬敞，裝修得古色古香，好有故宮feel
芒椰奶西（$29）同西瓜蘆薈爽（$29）
同記憶中既許留山一模一樣，男人超開心，係咁話打邊爐飲許留山簡直係絕配🤦🏻♀️男人既浪漫
我地叫左個自選鍋（$298）
可以選4種配料，再加一種醬
我地選左豬腩肉，廣島蠔，墨魚仔同牛肚
醬就選左鹹鮮醬，唔辣，就一就個無鬼用唔食得辣既男人
一選好，佢擺左個紅色花樽上桌，完全唔知係咩黎既，原來鍋入面既配料全部都係花樽入面，侍應一層一層幫我地擺落蒸鍋度，成件事唔使自己動手
等十五至二十分鐘就食得嫁啦
鹹鮮醬果然唔錯，鹹香四溢，但夾返底下蔬菜蒸出黎既水，反而鹹香之中帶有鮮甜，配料新鮮。
其實一鍋食完已經好飽，侍應再幫我地加湯打邊爐
配料只叫了兩款
鵝肝手打蝦丸（$38半份）
蝦丸爽口彈牙，鵝肝味濃郁
新鮮鵝腸（$68）
一上桌嚇死我，肥到咁點食，但一放落湯，肥膏自己溶哂，鵝腸鮮美甘香，正
幾飽都好，許留山既甜品點都要食，侍應話即場like佢fb甜品仲有半價Tim,好鬼抵（即like唔好諗😂）
芒之戀（$42）
有芒果冰，芒果糯米磁，多芒小丸子，每樣細細份，岩哂我呢d咩都想食但咩都食唔哂既人
多芒西米撈（$38）
一貫許留山，無得輸
一路食一路同男人傾返以前一齊返學，會考，搵工既日子，係呢間餐廳食既大概唔只係一餐晚飯，而係十幾年一齊行過既回憶
張貼
