川香苑麻辣雞煲火鍋 (已搬遷) 新店位置

如果唔係隨變無開門，都唔會黎左試依間雞煲啦 ~麻辣雞煲一隻少辣，朋友們包括我在內都係第一次黎幫襯，所以安全起見試小辣啦。起初試試個湯底真係淡而無味，不香不麻不辣，打到尾聲時，先較為濃郁左少少，但都未能達標 ﹗雞無雞味，亦唔入味，可能我地太快食晒啦，總之就係一般啦。茶樹菇，第一次食，唔知咩黎，菇菌味，口感硬實有渣。田雞，肉質彈牙、鮮味又嫩滑，但全枱無人欣賞，我自己一個人啪晒，好味道。冰豆腐即蜂巢豆腐，無咩特別，索味最正，但今日個湯底唔多掂。生蠔，難得鮮味又嫩滑多汁，比預其中好，正 ﹗響鈴，又碎又散又唔脆，bad ﹗魚腐，外購即食貨，味道偏咸似魚蛋。牛栢葉，爽嫩，good ﹗手打墨魚丸，硬屈屈既麵粉味，超劣，千奇唔好試。金菇、牛丸同魚皮餃，大路外購貨，無意見。美國肥牛，還可以啦，不過不失，可接受。墨魚咀，脆脆爽爽的，鮮魷味道，唔係話特別好味，係得意囉。鮮腐竹，嫩滑滿意。午餐肉，烚好耐都係有點硬實，索唔到湯汁，唔知用咩牌子。此店沒有什麼醬料提供，只有鼓油及只麻不辣既麻辣醬，連椒天指、生蒜都無。依度有水蜜桃汁供應，清涼解渴，推介。