OH MY GOOSE! (已結業)

又到糧尾， 我長期糧尾今日要捱food court , 見到呢間舖頭個名好得意，oh my goose, 配合oh my god嘅心情。望下counter有咩食先人哋都食芝士焗龍蝦，我就食芝士焗中蝦伊麵， 都係差唔多嘢啫望落去都叫過得去， 成碟鋪滿芝士， 白汁底， 但食落去又係溫度唔配合， 啲麵係涼涼地一pat pat， 雖然有四隻蝦，但就外暖內涼…… 我食咗幾啖之後真係食唔落， 真係金玉其外，敗絮其中。叫做食得落嘅，就係飲呢杯爆檸， 加左2片青檸加入檸檬茶入面， 同正常檸檬茶差唔多， 冇quota嘅可以唔試。最後，我決定買個貴價日本杯麵返屋企再食過， 平衡番自己有食飯嘅感覺。