Ufufu Cafe (已結業)

之前見報紙雜誌報道，話係日本遠度而來，又話超過一百款芭菲選擇。甜品控既我一定要去試下！一上到去，問我有無訂位！(其實咁啱路過想食，無訂到位，況且下午茶時間應該都有位) 入咗去坐低，場內六成滿，待應人數都足夠。可惜經驗尚淺，工作速度比較慢。無論落單，入單，收碟，客人舉手既反應，都有待改善。今日order咗咖哩漢堡飯，芝士蕃茄薄餅，朱古力草莓芭菲，焦糖厚pancake！食後感：咖哩漢堡飯：分量與價錢有距離，分量比較細份。下午茶尚可，午餐就 .......... 咖哩汁一般，無乜感覺。漢堡扒較乾，應該over cook咗！芝士蕃茄薄餅：日式餅乾底既薄餅，一個人都食得晒，餅底較乾身，硬身個人比較喜歡，好多芝士，蕃茄juicy。反而這個有少少驚喜。朱古力草莓芭菲：選擇咗好耐，都係選擇平凡不做作的一款，其實愈簡單就愈考工夫。近百元甜品，可惜失望而回。杯底用火龍果，西瓜粒作總結！很小家，又唔夾，把甜味由生果汁帶走，十分浪費。焦糖厚pancake：外表模仿接近日本，可惜味道較為遜色！表面夠乾身，內裡都可以接受的軟度！影相上Facebook呃like尚可！總結：三百幾蚊既二人下午茶，試過黎過，post下