caffè HABITŪ the table (已結業)

經常經過又一城呢間cafe，但每次只係經過望下，見到佢門口既蛋糕睇落都吸引，四十蚊件但大部份都係細舊，所以都吸引唔到我去買。今次差唔多九點幾十點經過，竟然見佢買一送一，而且款式仲有好多選擇，即刻唔放過買返兩件試下先啦！雖然係買一送一，但個職員姐姐都好比力去sell邊款好食，最後我就揀左檸檬撻同埋粟子蛋糕。栗子蛋糕：身為栗子迷既我當然係要揀呢個試，但佢本身個size真係勁細... 半隻手掌既大少都無，仲要係勁矮，食幾啖就無哂講返味道先，栗子蓉栗子味都夠重既，但唔算係好濃果種，以呢個價錢應該可以濃啲，上面有粒栗子，食落有啲硬硬地唔算係好食果種，甚至乎平時超市一包包既即食栗子都好啲過佢... 入面係有海棉蛋糕同忌廉，但無其他特別饀，所以成件蛋糕無驚喜，如果唔係買一送一我唔會去試檸檬蛋白撻：呢個相比起栗子蛋糕無論大少同賣相都吸引好多，佢起碼大栗仔蛋糕三份之一，而且表面既蛋白唧花紋亦好靚。試一啖面果層蛋白，同想像中有啲唔同，佢係打到好杰身好企身既蛋白，同平時出面食開既蛋白質感好唔同，但缺點係呢蛋白霜加左好多糖，雖然蛋白有下面既檸檬做平衡，但入面既檸檬一樣加左好多糖，所以整體係酸得黎但都好甜下，至