影片
更多
2012-10-07
126 瀏覽
別府一向o係我心目中印象麻麻 , 環境服務都不及另一家和風料理餐廳 呢晚諗唔到食乜 , 見別府唔多人等位 , 即管試試 , 點知 .... 可以記得唔好再黎喇1. 芒果牛油果海鮮沙律配黑松露醋~ 芒果同牛油果份量 ok , 味道屬正常 , 芒果唔會太酸或太甜 , 牛油果夠熟沙律菜得好少 , 海鮮更加係寥寥無幾 , 而都係一 d 雪藏海鮮粒 , 味道欠奉 , 黑松露醋 , 我食到o既只係黑醋而松露二字完全失踨 , 只係o係沙律菜中混上幾片磨菇2. 血地獄牛肉紙鍋~ 等好耐都唔滾 , d 牛肉可以話係浸熟而唔係淥熟 , 又厚又大塊又韌 , 好唔掂 ,無配料有少少菜 , 幾舊秀珍菇 , 但係好似無切過咁成大舊放落去就算 .. 馬虎 !! d 湯就幾好味 , 辣辣地幾惹味 , 所以個底 d 菜吸左 d 湯 , 就係成個鍋可取之一小處3. 三文魚粟米千島薄餅~ 個 pizza 底又淋又濕又油 , 幾乎想咬一啖就放棄 , 味道一般 , 千島醬過多 , 芝士未焗得香 , 仲好濕咁一 pat 野o係面 , 三文魚碎好少 , 就係相中少少淺橙色部份粟米 , 車厘茄 , 都係一 d 會出水o既食材 ,
別府一向o係我心目中印象麻麻 , 環境服務都不及另一家和風料理餐廳
呢晚諗唔到食乜 , 見別府唔多人等位 , 即管試試 , 點知 .... 可以記得唔好再黎喇
1. 芒果牛油果海鮮沙律配黑松露醋~ 芒果同牛油果份量 ok , 味道屬正常 , 芒果唔會太酸或太甜 , 牛油果夠熟
沙律菜得好少 , 海鮮更加係寥寥無幾 , 而都係一 d 雪藏海鮮粒 , 味道欠奉 ,
黑松露醋 , 我食到o既只係黑醋而松露二字完全失踨 , 只係o係沙律菜中混上幾片磨菇
2. 血地獄牛肉紙鍋
~ 等好耐都唔滾 , d 牛肉可以話係浸熟而唔係淥熟 , 又厚又大塊又韌 , 好唔掂 ,
無配料有少少菜 , 幾舊秀珍菇 , 但係好似無切過咁成大舊放落去就算 .. 馬虎 !!
d 湯就幾好味 , 辣辣地幾惹味 , 所以個底 d 菜吸左 d 湯 , 就係成個鍋可取之一小處
3. 三文魚粟米千島薄餅
~ 個 pizza 底又淋又濕又油 , 幾乎想咬一啖就放棄 , 味道一般 , 千島醬過多 ,
芝士未焗得香 , 仲好濕咁一 pat 野o係面 , 三文魚碎好少 , 就係相中少少淺橙色部份
粟米 , 車厘茄 , 都係一 d 會出水o既食材 , 弄得呢個 pizza 係基乎拎唔起 , 咬落全無口感可言
4. 釜金風三文魚煙肉撈讚岐手打烏冬
~ 煙肉味幾香 , 醬汁裏有 d 三文魚碎 , 煙肉粒似白恰一樣 , 味道全走到醬汁去 ,
十分怪地配上鮮冬菇 , 同個醬汁完全格格不入 , 仲有 d 蝦子 , 有色無味 ,
又唔會飛魚子或蟹籽咁有清脆咬口 , 而且 ... 同一個問題出現 , 跟個白汁唔襯
而所謂o既手打烏冬 , 煙韌滑溜全無佢份 ,而呢個白汁煙肉係應該撈意粉先對味囉
## 你話呢餐好難食 , 又未至於 ~ 但真係連無期望都令人食得唔係幾高興囉 ><"
張貼
