影片
更多
2024-06-19
669 瀏覽
鍾意食牛嘅應該都會聽過呢間餐廳，一直都係一開放預約就爆滿，真係好難book，近日朋友終於book到，終於可以試吓有冇名過於實🤨Menu係廚師發辦，分$680同$880兩種，$880套餐除咗肉類之外都係任添，仲可以任飲house red，white wine同prosecco🍷由於我哋唔太想飲酒就揀咗$680套餐，有得free flow 湯、沙律、薯條同甜品。▫️芝士麻辣牛肉撻芝士加上麻辣牛肉呢個組合幾特別，不過芝士味唔太岀。▫️櫻花蝦炒芝麻沙律 用芝麻醬同柚子醋整成嘅醬汁，面頭再加入櫻花蝦同芝麻，食落幾fresh但會有啲鹹。▫️蝦籽大地魚湯 店員會先賣關子，睇吓我哋飲唔飲得出係咩湯。一入口好重蝦味，仲以為係蝦蓉湯，飲多幾啖先有少少魚腥味。Refill完飲咗2碗，成個口都係魚嘅鮮味，唔鍾意魚腥味嘅應該頂唔順😆▫️牛扒到成餐嘅重點‼️一共會有三塊唔同種類嘅牛扒，每日都唔同。當日分別有澳洲和牛、紐西蘭和牛同南非和牛，三款咁啱都係和牛，油脂感重啲🐮🇦🇺澳洲和牛油脂感最重，肉質亦係三款入面最軟腍。🇳🇿紐西蘭和牛有咬口但唔韌，肉味香濃，點埋原粒芥末籽同岩鹽可以將成個牛味帶岀嚟，自己就最鍾意呢款☺️🇿🇦南非和牛
Menu係廚師發辦，分$680同$880兩種，$880套餐除咗肉類之外都係任添，仲可以任飲house red，white wine同prosecco🍷由於我哋唔太想飲酒就揀咗$680套餐，有得free flow 湯、沙律、薯條同甜品。
▫️芝士麻辣牛肉撻
芝士加上麻辣牛肉呢個組合幾特別，不過芝士味唔太岀。
▫️櫻花蝦炒芝麻沙律
用芝麻醬同柚子醋整成嘅醬汁，面頭再加入櫻花蝦同芝麻，食落幾fresh但會有啲鹹。
▫️蝦籽大地魚湯
店員會先賣關子，睇吓我哋飲唔飲得出係咩湯。一入口好重蝦味，仲以為係蝦蓉湯，飲多幾啖先有少少魚腥味。Refill完飲咗2碗，成個口都係魚嘅鮮味，唔鍾意魚腥味嘅應該頂唔順😆
▫️牛扒
到成餐嘅重點‼️一共會有三塊唔同種類嘅牛扒，每日都唔同。當日分別有澳洲和牛、紐西蘭和牛同南非和牛，三款咁啱都係和牛，油脂感重啲🐮
🇦🇺澳洲和牛油脂感最重，肉質亦係三款入面最軟腍。
🇳🇿紐西蘭和牛有咬口但唔韌，肉味香濃，點埋原粒芥末籽同岩鹽可以將成個牛味帶岀嚟，自己就最鍾意呢款☺️
🇿🇦南非和牛肉味幾濃，但係就比較韌，而且有一半係全熟嘅狀態😂呢個就唔啱我啦
但係份量真係唔大，每人每款牛只係食到大概2塊，如果唔係有得任食薯條應該唔會食得飽😂
▫️甜品
正當我哋估甜品會係雪糕呢啲西式甜品嘅時候，嚟到竟然係黑糖花生麻糬😂對我呢個煙靭控簡直係喜出望外，黑糖外皮包住超濃厚嘅花生蓉，食落仲有花生粒，口感更加豐富🥜
值得一提自攜酒餐廳係免收開瓶費，當日見枱枱都帶咗起碼2支酒去，而且冇時間限制，唔洗趕交枱，都幾啱同親朋好友去食飯吹水。餐廳成個服務同體驗都唔錯，幾特別，不過主角牛肉嘅份量就比較少，我自己就試過一次就算啦😬
⚠️餐廳只接受現金付款，去之前記得準備定啦
張貼
