蓮．越泰坊

營業中

休息中

係數碼港睇完戲之後，入左商場其中一間餐廳搵野食醫下肚，誤打誤撞下入左呢間泰國餐廳。本身想嗌佢嘅雞煲食，但老闆話一早賣晒，所以推薦左個海鮮鐵板燒加邊爐再配泡飯，上到黎又幾盞鬼，一半邊爐，一半鐵板燒🤣但係野食方面就相當失望，首先個湯底係無味的，係米水黎，打邊爐最緊要緊係個湯底啦，難怪佢比埋勁多調味料黎😕 而啲牛超難食，雪味勁重，仲要勁鞋，街市求其買啲應該都好食過佢☹️ 而佢嘅海鮮就係蝦同蜆，同樣都麻麻地，蝦都係有陣雪味，唔知擺左幾耐🤦🏻‍♀️ 最搞笑係一開頭以為有得自己燒下海鮮，點知火力太唔夠，舊茄子燒左勁耐都仲係硬硬地既🥲唯一可取嘅就可能係佢嘅椰青，幾清甜！但呢間野真係唔會再幫襯😢